رحمت بن گئی زحمت، محکمہ موسمیات نے مزید بارشوں کی پیش گوئی کر کے عوام کو پریشان کر دیا

رحمت بن گئی زحمت، محکمہ موسمیات نے مزید بارشوں کی پیش گوئی کر دی۔

 

لاہور (اعتماد ٹی وی پاکستان بھر میں پری مون سون کا سلسلہ جاری ہے جس کی وجہ سے ملک میں سیلاب کا خدشہ ظاہر کیا گیا تھا۔ پری مون سون کا یہ سلسلہ چند دن رُکا اور اب بھی جاری ہے ۔ تاہم محکمہ موسمیات کی جانب سے اس میں مزید اضافے کا اعلان کر دیا گیا ہے۔

 

تفصیلات کے مطابق این ڈی ایم اے کا کہنا ہے مون سون کا جو اسپیل پاکستان میں داخل ہوا ہے اس میں مزید اضافہ ہوتا نظر آ رہا ہے ۔ اس لئے اس بات کو دیکھتے ہوئے محکموں کو تیار رہنے کی ہدایات کر دی گئی ہے۔

 

نیشنل ڈیزاسٹر مینجمنٹ ا تھارٹی جانب سے یہ بھی کہا گیا مون سون ہواؤں کا سلسلہ آئندہ 24 سے 48 گھنٹوں تک جاری رہے گا اور ہفتے کے آخر میں اس میں مزید شدت آنے کا خدشہ ہے۔

 

این ڈی ایم اے کی پیش گوئی کے مطابق ملک کے بہت سے علاقوں میں7 جولائی تک موسلا دھار بارشوں کا امکان ہے اور اس صورتحال سے نبرد آزما ہونے کے لئے وفاقی اور صوبائی حکومت کو آگاہ کر دیا گیا ہے۔

 

چیف میٹرولوجسٹ سردار سرفراز کے مطابق کراچی کے بہت سے علاقوں میں 50 ملی میٹر تک بارش متوقع ہے ۔ جبکہ نشیبی علاقوں میں اربن فلڈنگ کا خطرہ بھی ہے۔ بارشوں کا یہ سلسلہ 9 جولائی تک بھی جاری رہ سکتا ہے۔ اس حوالے سے تمام اقدامات کئے جا چکے ہیں۔