اٹلی میں بڑے پیمانے پر پھر سے ایمرجنسی نافذ۔

قحط کی وجہ سے اٹلی کے 5 علاقوں کی حالت خراب۔

 

لاہور (اعتماد ٹی وی) دنیا بھر میں بدلتے موسم کی وجہ سے  زمینوں کی کاشت کاری پر اثر پڑرہا ہے ۔  کہیں بارشیں ہونے سے موسم  میں تبدیلی   آتی ہے تو کہیں  بارش نہ ہونے کے وجہ سے  زمین  خشک ہو کر بنجر ہو جاتی ہے۔ کسی جگہ پر سیلاب آنے کے خدشات بن جاتے ہیں۔

 

اس صورتحال میں  موسم جو زیادہ گرم ہو رہا ہے اس کی وجہ سے موسمیاتی تبدیلیوں کا رُخ اٹلی کے شمالی علاقوں کی جانب ہوا ہے۔ یہاں پر گرمی کا 70 سالہ ریکارڈ ٹوٹ گیا ہے۔

 

کم بارشوں کی وجہ سے اٹلی کے 5 شمالی علاقے خشک سالی کا شکار ہو گئے ہیں اور حکومت نے اس صورتحا ل میں عوام سے اپیل کی ہے کہ وہ حکومت کا ساتھ دیں۔

 

 

اپنی گاڑیاں اور پودوں کو غیر ضروری پانی مت دیں اور پانی کی بچت کریں۔ آرائشی فواروں کو بھی نہ چلائیں۔اٹلی کے شمالی علاقوں ، روماگرا، لومبرڈی، پیڈ مونٹ، امیلیااور وینٹو  میں پانی بہت قلت پیدا ہو گئی ہے اس کے علاوہ بھی کئی علاقے اس کی لپیٹ میں آ ئے ہیں۔  خشک سالی سے نمٹنے کے لئے حکومت نے 36 ملین یورو کے فنڈز بھی جار ی کئے ہیں۔

 

 

غیر ملکی ذرائع کی رپورٹ کے مطابق 70 سالوں میں پہلی بار اٹلی کو ایسے قحط کا سامنا ہوا ہے۔ جس کی وجہ سے اٹلی کی 30 فیصد سے بھی زیادہ زرعی پیداوار متاثر ہوئیں ہیں۔