سب سے وزنی بکرے نے اپنے مالک کو قربانی سے قبل لکھ پتی بنا دیا ۔

سب سے وزنی بکرے نے اپنے مالک کو قربانی سے قبل لکھ پتی بنا دیا ۔

 

لاہور (اعتماد ٹی وی ) جانوروں کو پال کر ان کو بیچنے کا کام تو بیو پاری کرتے ہیں لیکن کچھ لوگوں کو بھی شوق ہوتا ہے اس لئے وہ قربانی کا جانور گھر میں پال کر اس کو قربان کرتے ہیں ۔

 

 

گجرانوالہ کے رہائشی رحمت نے بتایا کہ اس کو جانور پالنے کا شوق 2014 سے ہوا اس لئے وہ جانور پالتا ہے ان کی دیکھ بھال کر تا ہے۔

 

انھوں نے اپنے بکرے کا نام بازی گر رکھا ہے جس کی عمر تقریباً اڑھائی سال ہے اس کے مالک نے بتایا کہ اس کا وزن 8 من ہے اور کلو گرام میں 327 کلو گرام ہے ۔ اس بکر ے کی دیکھ بھال کے لئے ایک خدمت گزار بھی رکھا گیا ہے اس کو صبح دوپہر اور شام میں تین ٹائم باقاعدہ مالش کی جاتی ہے۔

 

اس کی خوراک میں مربع ، گندم ، گھاس، بی دانہ ، دودھ ، مکھن شامل ہے ۔ سردیوں میں اس بکرے کو دیسی گھی ، گاجر کا مربع اور سیب کا مربع کھلایا جاتا ہے۔ گرمیوں میں اس کو ڈیڑھ پاؤ مکھن صبح کے وقت کھلایا جاتا ہے اور 4 کلو دودھ بھی پلایا جاتا ہے روزانہ یہ بکر ا 8 کلو دودھ پیتا ہے۔

 

26 جون کو فیصل آباد میں آل مویشی منڈی کی جانب سے منعقد کردہ مقابلے میں اس کو سب سے وزنی بکر اقرار دیا گیا ہے اور اس کو کپ کے ساتھ انعامی رقم بھی دی گئی ہے جو کہ سات لاکھ روپے ہے۔ مالک کا اس کو بیچنے کا کوئی ارادہ نہیں اس لئے انھوں نے اس کی قیمت بھی نہیں لگائی۔