دنیا کی انوکھی شادی جس میں دلہا اور دلہن موجود ہی نہیں، جانئے تفصیل

ایسی شادی جس میں دلہا دلہن موجود نہیں ۔

 

آن لائن (اعتماد ٹی وی) دنیا بھر میں جتنی بھی شادیاں ہوتی ہیں ان میں دلہا دلہن کی موجودگی لازمی عنصر ہے لوگ بالخصوص نئے جوڑۓ کو دیکھنے کے لئے آتے ہیں۔ لیکن ملائیشیا میں ایک ایسی شادی کی تقریب دیکھی گئی جس میں دلہا دلہن موجود نہیں تھے بس مہمان موجود تھے۔

 

ملائیشیا کے دار الحکومت کوالامپور میں ایک ایسی شادی کی تقریب دیکھی گئی ہے جس میں دلہا دلہن کے علاوہ سب موجود تھے۔ حاذق عبداللہ جو کہ کوالالمپو ر کے رہائشی ہیں ان کی اہلیہ نے او ر حاذق نے مل کر اپنی شادی کو یاد گار بنانے کا ارادہ کیا اور تیاریاں شروع کر دی۔ لیکن قسمت میں ان کی شرکت نہیں لکھی تھی۔

 

حاذق عبداللہ نے اپنے ولیمے کی تیاری کے بعد حفاظت کے پیش نظر اپنا کورونا ٹیسٹ کروایا جو کہ مثبت آگیا اور انھوں نے یہی بہتر سمجھا کہ قرنطینہ کیا جائے ایک مرتبہ انھوں نے تقریب کو کینسل کر نے کا بھی سوچا لیکن پھر اس سوچ کو چھوڑ کر ولیمے کی تقریب میں مہمانوں کی صحت کا خیال کرکے شرکت نہ کی۔

 

اپنے ولیمے کی تقریب دلہا دلہن نے ورچوئل طریقے سے منائی جبکہ مہمانوں کے لئے پورا انتظام کیا گیا تھا۔