دود ھ کے خالص ہونے اور کیمیکل والا ہونے کا پتہ چلانا اب مشکل نہیں، جانئے آسان طریقہ

دودھ سے خالص ہونے سے متعلق حکومت کا اہم قدم ۔

 

لاہور ( اعتماد ٹی وی ) دودھ ایک غذائیت سے بھرپور مائع ہے ۔ جس کا استعمال بچوں ، بڑوں اور بوڑھوں ہر طبقہ عمر کے لوگوں کے لئے لازم ہے ۔ اس کے استعمال سے جسمانی ہڈیاں مضبوط ہوتی ہیں۔

 

مسلمانوں کے لئے تین قسم کے حلال جانوروں کا دودھ قابل استعمال ہے جس میں گائے/بھینس، بکری اور اونٹنی کا دودھ شامل ہے۔ ان تمام کے دودھ ذائقے اور غذائیت کے اعتبار سے الگ الگ اہمیت رکھتے ہیں۔

 

پاکستان میں چند عرصے سے کچھ ضمیر فروش لوگ دودھ میں ملاوٹ کر رہے ہیں۔ اور مضر صحت دود ھ عوام تک پہنچایا جارہا ہے ۔ فوڈ اتھارٹی نے اس سلسلے میں کئی جگہ چھاپے مارے ،لیکن پھر اس کو مکمل طور پر ختم کرنے میں ناکام رہی ہے۔ اب فوڈ اتھارٹی نے اس سلسلے میں اہم فیصلہ کیا ہے۔

 

دود ھ کے خالص ہونے اور کیمیکل والا ہونے کا پتہ چلانا اب مشکل نہیں رہا ۔ فوڈ اتھارٹی کی جانب سے لاہور میں 6 دودھ کے ٹیسٹنگ پوائنٹس قائم کئے گئے ہیں۔ جہاں پر لوگ اپنے گھر سے اُبالا ہوا دودھ ایک پاؤ لے کر آئیں اور اس کو چیک کروا کر فوراً رپورٹ حاصل کریں۔

 

اس طرح سے اس گوالے یا دودھ والے دکاندار کے خلاف ایکشن بھی لیا جائے گا اور اس کو سزا بھی ملے گی۔ ٹیسٹ کئے جانے والے دود میں اگر غلط میٹریل شامل کئے گئے ہیں تو اس دود ھ کو مزید ٹیسٹ کے لئے لیبارٹری بھجوایا جاتا ہے ۔

 

جہاں اس کی مکمل ٹیسٹنگ رپورٹ بنائی جاتی ہے ۔ اس رپورٹ کو مدنظر رکھتے ہوئے گوالے یا دکاندار کے خلا ف ایکشن لیا جائے گا۔