ہتھنی کا اپنے مرے ہوئے بچے کو سونڈ میں اُٹھا کر پھرنا ۔
لاہور (اعتماد ٹی وی) بھارتی ریاست آسام کے شہر گوہاٹی میں موجود چائے کی پتی کے باغات کے قریب عجیب واقعہ ہوا۔
اس حوالے سے ایک ویڈیو سوشل میڈیا پر جاری کی گئی جس میں دکھایا گیا کہ ایک ہتھنی اپنے بچے کی لاش کو سونڈ میں اُٹھائے پھر رہی ہے۔ اس واقعے کو دیکھتے ہوئے تحقیقاتی کمیٹی بنا دی گئی ہے۔
ہتھنی کے بچے کی موت قریباً جمعے کے روز ہو ئی تاہم اس وجہ ابھی پتہ نہیں چل سکی۔ لیکن ویڈیو میں دکھا یا گیا ہے کہ ہتھنی اس بچے کو سونڈ میں اُٹھا کر اپنے ہاتھیوں کے گروہ میں ایک جگہ سے دوسری جگہ لے جا رہی ہے۔ ہاتھیوں کا گرو ہ 30 سے 35 کی تعداد پر مشتمل ہے۔
جنگلات کے حکام کے مطابق ہتھنی اس بچے کو 7 کلو میٹر دور لے گئی جہاں امباری کے باغات ہیں اور وہاں اس کو جھاڑیو ں میں چھپا دیا۔ ذرائع کے مطابق جنگلات کے حکام جمعے کے روز ہی متعلقہ جگہ پہنچے لیکن ان کو نہ تو وہاں کوئی ہاتھی ملا اور نہ بچہ۔
عام طور پر جانور اپنے مرے ہوئے جانوروں کو چھوڑ کر چلے جاتے ہیں لیکن ہتھنی کا یہ رویہ حیرت انگیز ہے کہ وہ اس بچے کو ایسے لئے پھر رہی ہے۔
