حکومت کا پیٹرولیم مصنوعات میں کمی کا اعلان

حکومت کا پیٹرولیم مصنوعات میں کمی کا اعلان

 

اسلام آباد (اعتماد ٹی وی) پاکستان ڈیمو کریٹو موومنٹ کے تحت اقتدار میں آئی حکومت نے فیصلہ کیا ہے کہ پیٹرولیم مصنوعات میں کمی کرکے عوام کو اس کا ریلیف پہنچایا جائے ۔

 

یہ فیصلہ عالمی منڈی میں پیٹرولیم مصنوعات کے کریش کر جانے کے بعد کیا گیا ہے۔ عالمی منڈی میں تیل کی قیمتیں 6 فیصد تک گر گئی ہیں اس لئے گزشتہ روز وزیرخزانہ مفتاح اسماعیل نے کہا کہ وہ وزیرا عظم کو پیٹرولیم مصنوعات میں کمی کی سمری آج بھجوائیں گے۔

 

مسلم لیگ ن کی نائب صدر مریم نواز نے بھی اپنے ٹوئٹر اکاؤنٹ کے ذریعے یہ پیغام جاری کیا ہے کہ حکومت جلد پیٹرولیم مصنوعات میں اضافہ کرے گی۔ پاکستان پیپلز پارٹی کی رہنما فریال تالپوری نے اپنے ٹوئٹر اکاؤنٹ کے ذریعے یہ پیغام دیا ہے کہ آصف علی زرداری کی ہدایات پر پیٹرولیم مصنوعات میں 40 روپے تک کمی کی جائے گی ۔

 

پیٹرولیم مصنوعات میں کمی کا فیصلہ وزیراعظم شہباز شریف کریں گے۔ حکومت نے پیٹرولیم مصنوعات پر لیوی برقرار رکھنے کا فیصلہ کیا ہے جس کی وجہ سے پیٹرولیم مصنوعات میں تقریبا 10 سے 12 روپے کی کمی کا امکان ہے ۔

 

دوسری جانب پیٹرول ایسوایشن کی جانب سے ملک میں 18 جولائی کو ہڑتال کا اعلان کر دیا گیا ہے ان کا کہنا ہےکہ مہنگائی اپنے عروج پر ہے تو ہمارا مارجن بھی 6 فیصد بڑھا یا جائے۔