زخم جلد ٹھیک کرنے کے لئے نیا کیمکل ایجاد، اب زخم جلد ہو جائیگا ٹھیک۔۔

اب سے کوئی بھی زخم زیادہ دیر تک نہیں رہے گا۔

 

لاہور (اعتماد ٹی وی) ہمیشہ سے دیکھا گیا ہے کہ انسانی اور حیوانوں کو جب بھی کوئی زخم لگتا ہے تو وقت کے ساتھ ساتھ وہ ٹھیک ہو جا تا ہے کچھ زخم اپنا نشان چھوڑ جاتے ہیں جبکہ کچھ زخم اتنی تکلیف کا باعث بنتے ہیں کہ جلد ٹھیک نہیں ہوتے ۔ اب ماہرین نے ایسی دوا تیا ر کر لی ہے کہ جس کے ذریعے زخم جلد از جلد ٹھیک ہو جائیں گے۔

 

اسرائیل کے سائنسدانوں نے اس کے لئے ایک قدرتی کیمیکل دریافت کر لیا ہے جس کےاستعمال سے زخم کو ٹھیک کرنے کی رفتار کو بڑھایا جائے گا اور وہ زخم جلد از جلد ٹھیک ہو جائے گا۔

 

 

سائنسدانوں نے اس کیمیکل کا تجربہ خنزیر پر کیا ہے او ر یہ تجربہ کامیاب رہا ہے ۔ اس لئے سائنسدانوں کو امید ہے کہ جلد ہی وہ ایسی خصوصیات کا حامل مادہ بنا سکتے ہیں جو انسانوں پر بھی کام کرے۔

 

 

اس کیمیکل کا نام DIM رکھا گیا ہے Di-indoly-lemthaneایک ایسا کیمیکل ہے جس کو ہمارا جسم قدرتی طور پر بناتا ہے اس کے علاوہ اس کیمیکل کو بروکولی اور گوبھی جیسی دیگر سبزیوں کے ذریعے بھی حاصل کیا جا سکتا ہے ۔ سائنسدانوں کا اس کیمیکل کے متعلق قیاس تھا کہ یہ سوجن کو کم کرتا ہے اور کینسر کے خلیات کو ت باہ کرتا ہے۔

 

 

لیکن جب اس کا استعمال بیکٹریا پر کیا گیا تو معلوم ہوا کہ یہ بیکٹریا کی کام کرنے کی صلاحیت کو بھی کم کرتا ہے۔یہی وجہ ہے کہ اس کے استعمال سے زخم جلدی ٹھیک ہو جاتے ہیں۔