جب بھارتی کرکٹ ٹیم پاکستان کھیلنے آئی تو شعیب اختر نے کیسے شاندار انٹری کی، جانئے ہربھجن سنگھ کے زبانی

بھارتی کرکٹر نے شعیب اختر کی انٹری کا واقعہ سنایا ۔

 

 

لاہور (اعتماد ٹی وی) بھارت اور پاکستان کے مابین لاکھ تنازعے ہوں جب جب بھارت اور پاکستان کا میچ ہو تو ہر پاکستانی کی خواہش ہوتی ہے کہ جیت پاکستان کی ہو۔ کھیل میں ہار اور جیت کوقبول کرنا ایک اچھے کھلاڑی کی پہچان ہے۔

 

 

ایسے ہی پاکستان کرکٹ ٹیم کے کئی کھلاڑیوں کی بھارتی کھلاڑیوں سے دوستی بھی ہے اور اختلافات بھی۔ یہ ایک دوسرے کو سراہتے بھی ہیں اور جہاں ملک کی بات آ جائے تو وہاں کوئی لحاظ نہیں رکھتے۔

 

 

ایسے ہی بھارتی کرکٹر ہر بھجن سنگھ نے سوشل میڈیا اکاؤنٹ پر ایک واقعہ شئیر کیا کہ جب وہ دورہ پاکستان پر پاکستان پہنچے تو پاکستانی کرکٹ ٹیم کے تمام کھلاڑی مشقیں کر رہے تھے۔ ہر بھجن سنگھ کا کہنا ہے کہ ہماری ٹیم بھی مشق کی غرض سے گئی تھی ۔

 

 

اچانک ہم نے دیکھا ایک نوجوان ہیوی بائیک پر گراؤنڈ میں چلا آ رہا ہے ۔ میں سوچ میں پڑ گیا کہ سب تو مشقیں کر رہے ہیں یہ کون ہے جو منہ اُٹھائے اندر آ گیا ہے جب وہ شخص گراؤنڈ میں آیااور اس نے بائیک روک کر اپنا ہیلمٹ اُتارا تو ہم نے دیکھا کہ وہ شعیب اختر تھے۔ جو دم دار انٹری انھوں نے گراؤنڈ میں کی وہ واقعی قابل تحسین تھی۔