دوران انٹرویو، صحافی مائرہ نے تھپڑ کیوں مارا ؟ انہوں نے خود ساری کہانی بتا دی

سڑک پر رپوٹنگ کے دوران لڑکی نے تنگ کرنے والے لڑکے کو تھپڑ لگا دیا ۔

 

لاہور (اعتماد ٹی وی) گزشتہ روز ایک ویڈیو سوشل میڈیا پر وائرل ہو رہی ہے جس میں ایک رپورٹر نے لڑکے کو تھپڑ لگا دیا ۔ نجی ٹی وی ادارے سے منسلک خاتون عید قربان کے حوالے سے لوگوں سے بات چیت کر رہی تھی۔

 

ماہرہ ہاشمی نے بتایا کہ وہ اپنے پروگرام کے دوران لوگوں سے سوال جواب کر رہی تھی کیونکہ ایسے موقع پر لوگ ارد گرد جمگٹھا لگا کر کھڑے ہو جاتے ہیں تو یہ میرے لئے معمولی بات تھی۔

 

میں ایک فیملی کے ساتھ بات چیت کر رہی تھی کہ سامنے یہ لڑکا موجود تھا اور فیملی کو تنگ کر رہا تھا ۔ میں نے کچھ دیر برداشت کیا لیکن جب وہ باز نہ آیا تو ایک تھپڑ لگا دیا ۔ ایسے لوگوں کا علاج یہی ہے۔

 

ماہر ہ ہاشمی نے یہ بھی بتایا کہ جب انھوں نے لڑکے کو تھپڑ لگایا تو ان کو اندازہ نہیں تھا کہ کیمرہ آن ہے اس لئے تمام تر واقعے کی ویڈیو وائرل ہو رہی ہے ۔