ویرات کوہلی معاملہ! شعیب اختر بھی میدان میں آگئے۔ سب کو کھری کھری سنا دیں

پاکستان کرکٹ ٹیم کے مایہ ناز باؤلر شعیب اختر بھی ویرات کوہلی کی حمایت میں آ گے آ گئے۔ انھوں نے ویرات کوہلی کے خلاف بات کرنے والوں کو کرارا جواب دے دیا۔ ان کا کہنا ہے کہ ویرات کوہلی ایک انتہائی اچھا کھلاڑی ہے ۔ ویرات کوہلی کی حمایت میں اس لئے کر رہا ہوں کہ اس نے بین الاقوامی میچوں میں70 سینچریا ں بنائی ہیں۔

 

 

شعیب اختر نے کہا کہ کپل دیو نے جو بھی رائے ویرات کوہلی کے لئے دی وہ ان کا حق ہے ۔ کیونکہ وہ خود بھی ایک اچھے کھلاڑی رہ چکے ہیں لیکن باقی کسی کو حق نہیں پہنچتا کہ ان پر انگلی اُٹھائے ۔ یہ بات بہت تکلیف دہ ہے کہ ویرات کوہلی کو ٹیم سے ڈراپ کرنے کی باتیں کی جارہی ہیں۔

 

 

70 بین الاقوامی سینچریوں والا کارنامہ ویرات نے کینڈی کرش کھیل نہیں کیا ۔ جان ماری ہے کھیل کے لئے۔ گزشتہ دہائی میں اگر کوئی بہترین کھلاڑ ی پیدا ہوا ہے تو وہ ویرات کوہلی ہے۔ ویرات کوہلی کو چاہیے کہ وہ ٹیم کی کپتانی کو بھول کر صرف اپنے کھیل پر دھیان دیں تو ان کا کھیل بہتر ہو جائے گا ۔