مشکل حالات دیکھ کر ہتھنی کے بے ہوش ہونے کی ویڈیو سوشل میڈیا پر وائرل

سوشل میڈیا پرجانوروں کی ایسی بے شمار ویڈیوز موجو دہیں جن میں وہ اپنے بچوں کے ہمراہ کھیل رہے ہیں ان کو خطرات سے آگاہ کر رہے ہیں۔ ہاتھی بھی ایک ایسا ہی جانور ہے جو کہ اپنے بچے کو لے کر بہت زیادہ حساس ہوتا ہے ۔ اس میں ماں اور باپ کے ساتھ ساتھ پورا گروہ مل کربچے کی حفاظت کر تا ہے۔

تھائی لینڈ کے نیشنل پارک سے ایک ویڈیو بہت زیادہ مشہور ہو رہی ہے جس میں ایک ہتھنی کا بچہ گڑھے میں گر گیا اور ہتھنی اس کو بچانے کی کوششوں میں مصروف ہے۔ جب ہتھنی سے کچھ نہ ہو سکا تو وہ مارے غم کے بے ہوش ہو گئی۔ ہتھنی کی یہ حالت دیکھ صارفین کی آنکھیں بھیگ گئیں۔

ویڈیو میں دیکھایا گیا ہے کہ نیشنل پارک کی ریسکیو انتظامیہ نے ہتھنی کو کرین کی مدد سے گڑھے میں نکالا اور بعدازاں بچے کو بھی بچا لیا۔ ہتھنی کو مصنوعی تنفس دے کر اس کی زندگی بچائی گئی جس کے بعد بچے کی موجودگی کو محسوس کر کے ہتھنی فوراً ہوش میں آگئی۔

نیشنل پارک کا عملہ بھی اس منظر کو دیکھ خوش ہو گیا اور ہتھنی اپنے بچےکے ہمراہ جنگل چلی گئی ۔ ریسیکیو حکام کے اس عمل کو صارفین نے بہت سراہا۔