اللہ کی شان ہے، یہاں پر بارشوں سے لوگ پریشان ہیں اور یورپ میں لوگ گرمی کی وجہ سے زندگیاں ہار رہے ہیں، جانئے تفصیل۔

یورپ کی گرمی سے ہزاروں افراد زندگی کی بازی ہار گئے۔

 

لاہور (اعتماد ٹی وی  ) بین الاقوامی ذرائع کے مطابق یورپی ممالک میں گرمی کے گزشتہ کئی سالوں کے ریکارڈ ٹوٹ گئے ہیں۔

 

چند روز میں ہی گرمی کی شدید لہر جو اسپین اور پرتگال میں چلی ہے اس کے بعد 1700 سے زائد افراد زندگی کی بازی ہار گئے ہیں۔ جاری کردہ رپوٹس کے مطابق اسپین میں 10 سے 17 جولائی کے دوران ہیٹ ویو کی وجہ سے 678 کے قریب افراد دار فانی سدھار گئے ہیں۔

 

پرتگال میں 7 سے 18 جولائی کے دوران 1063 افراد صفحہ ہستی سے مٹ گئے ۔ہسپانوی وزیراعظم کا کہنا ہے اسپین میں موجودہ گرمی کی وجہ سے صرف 10 روز میں ہی 500 سے بھی زائد افراد زندگی کو الوادع کہہ گئے ۔ ہسپانوی وزیر اعظم پیدرو سانچر نے مزید کہا کہ گرمی میں شہریوں کے ان حالات کی وجہ بداحتیاطی ہے۔

 

 

شہری حفاظتی تدابیر اختیار کریں اور بلاضرورت گھر سے باہر نہ نکلیں۔ اس کے علاوہ فرانس، اسپین اور پرتگال کے جنگلات میں لگنے والی آگ نے بھی ماحول پر بُرا اثر ڈالا ہے۔

 

 

جس کی وجہ موسمی آب و ہوا مزید گرم ہو گئی ہے پرتگال کے جنگلات کا 75 ہزار ایکٹر اور فرانس کا 22 ہزار ایکٹر حصہ آگ کے زیر اثر ہے جس کی وجہ سے لوگ بھی وہاں سے نقل مکانی پر مجبو ہو گئے ہیں۔