بھارتی شہریوں کی بڑی تعداد نے بھارت چھوڑنے کا فیصلہ کر لیا۔
آن لائن (اعتماد ٹی وی) بھارت میں موجودہ حکومت کے اقدامات سے ناخوش ہو کر بہت سےا فراد بھارتی شہریت کو ترک کرنے کا فیصلہ کر کے ملک چھوڑ کر چلے گئے۔ بھارتی حکومت کی اعدادو شمار کے مطابق چودہ سو افراد اپنی شہریت ترک کر کے چین کی جانب چل پڑے۔
بھارتی وزیر داخلہ نے پارلیمان میں اس بات سے آگاہ کیا کہ تین سالوں میں تقریباً 3 لاکھ سے زائد بھارتیوں نے اپنی مقامی شہریت چھوڑ کر بیرون ملک پناہ لے لی ہے۔
ان میں سب سے زیادہ تعداد ان بھارتی شہریوں کی ہے جنہوں نے امریکہ کی شہریت حاصل کر لی ہے۔ امریکہ اس وقت بھارتی تارکین وطن کا سب سے زیادہ پسند کیے جانے والا ملک ہے۔ ایک برس قبل 1 لاکھ 63 ہزار لوگوں نے بھارتی شہریت کو ٹھکرا کر امریکی شہریت حاصل کر لی ہے۔
دوسرے نمبر پر آسٹریلیا کی شہریت حاصل کرنے والے 23،533 افراد ہیں اور اس کے بعد 21،597 افراد جو کہ کینیڈین شہری بن گئے ہیں اس کے بعد 14،637 شہری وہ ہیں جنہوں نے برطانیہ کی شہریت حاصل کر لی ہے۔
2019 میں 1لاکھ 44 ہزار سے زائد افراد نے اپنی شہریت ترک کی تھی لیکن 2020 میں اس میں کمی دیکھی گئی جبکہ 2021 میں سب سے زیادہ لوگوں نے بھارتی شہریت ترک کی۔
