وفاقی وزیر قانون رانا ثناء اللہ کا کہنا ہے کہ اگر فُل کورٹ نے کیس نہ سنا تو اس عدالت کا فیصلہ نہیں مانیں گے۔

اتحادی حکومت عمران خان اور ان کو سپورٹرز سے ڈر گئی ۔حما د اظہر

 

لاہور (اعتماد ٹی وی) پاکستان تحریک انصاف کے رہنما حماد اظہر نے موجود صورتحال پر اتحادی حکومت کی کلاس لے لی۔

 

وزیراعلیٰ پنجاب کے لئے دی گئی ڈپٹی اسپیکر کی رولنگ کے متعلق ججز کا فیصلہ آنے سے قبل ہی اتحادی حکومت نے عدلیہ کے مخالف بیان دینے شروع کر دئیے ہیں۔ مسلم لیگ ن کی نائب صدر مریم نواز کا کہنا ہے کہ تین ججز مل کر ملک کے مستقبل کا فیصلہ نہیں کر سکتے۔

 

 

وفاقی وزیر قانون رانا ثناء اللہ کا کہنا ہے کہ اگر فُل کورٹ نے کیس نہ سنا تو اس عدالت کا فیصلہ نہیں مانیں گے۔

 

 

حماد اظہر کا کہنا ہے کہ جب ڈپٹی اسپیکر قاسم سوری نے رولنگ دی تو یہی ججز بیٹھے تھے اور انھوں نے ہی کیس سنا تھا تب اتحادی حکومت ان کے ساتھ تھی ۔ آج اتحادی حکومت رو رہی ہے اور عدلیہ پر سوال اُٹھا رہی ہے۔

 

حماد اظہر کا کہنا ہے کہ اصل میں یہ سب عمران خان اور عوام سے ڈرے ہوئے ہیں ان کو معلوم ہے کہ انھوں نے غلط کیا ہے اس لئے اب ان کو ٹھنڈے پسینے آ رہے ہیں۔ اور یہ عدالت کے خلاف زہر اُگل رہے ہیں۔