سنجے دت کو بڑا جھٹکا لگ گیا، شائقین پریشان

سنجے دت کی فلم شمشیر ا باکس آفس پر ناکام ہو گئی ۔

 

آن لائن (اعتماد ٹی وی ) بالی ووڈ کی نئی فلم شمشیر ااس جمعے کو سینما گھروں میں پیش کی گئی جو کہ اپنی ریلیز کے پہلے ہی دن کوئی خاص توجہ حاصل نہیں کر سکی۔ ذرائع کے مطابق اس فلم نے پہلے ہی دن 10 کروڑ کا بزنس کیا ۔

 

 

رپورٹ میں بتایا گیا کہ رنبیر کپور اور سنجے دت پر بنی اس فلم کی تیاری میں ہی 150 کروڑ روپے کی لاگت آئی تھی۔ اس لئے اس کی کارکردگی اس کی لاگت کے حساب سے مایوس کن رہی ہے۔

 

 

فلم انڈسٹری کے لئے یہ بڑا دھچکا ہے۔ رنبیر کپور نے تقریباً 4 سال بعد بڑی اسکرین پر اس فلم کے ذریعے واپسی کی ہے لیکن فلم کی موجودہ کارکردگی نے سب کو مایوس کر دیا ہے۔ لیکن ماہرین کا کہنا ہے کہ حالیہ جتنی بھی فلمیں ریلیز ہوئی ان میں بہترین بزنس شمشیرا نے کیا ہے ۔

 

 

فلم میں کئی مناظر ٹالی ووڈ کی فلم باہو بلی سے مشابہہ ہیں۔ اور فلم کا جو پوسٹر ہے اس میں بھی باہو بلی کے ٹیزر کی جھلک واضح نظر آرہی ہے۔ بالی ووڈ انڈسٹری ٹالی ووڈ کی فلموں کا ری میک بناتے بناتے اب ان کے ٹیزر اور پوسٹر کا بھی ری میک بنانا شروع ہو گئی ہے۔