سب سے زیادہ ٹیکس ادا کرنے والے اداکار کا نام مںنظر عام پر آگیا

ذرائع کے مطابق بھارت میں سب سے زیادہ ٹیکس ادا کرنے والے اداکاروں میں اکشے کمار کا نام سر فہرست آ گیا ۔ گزشتہ کئی سالوں کی طرح اکشے کمار نے رواں سال بھی اپنے اس اعزاز کو برقرار رکھا ہے اور بھارتی کی فلم انڈسٹری میں سب سے زیادہ ٹیکس ادا کرنے والے شخص کا اعزاز حاصل کر لیا ہے۔

 

 

دیانت داری سے ٹیکس کی ادائیگی کرنے والے اداکار کو انکم ٹیکس ڈیپارٹمنٹ نے ان کو خصوصی سرٹیفکیٹ سے نوازا ہے۔ اکشے کمار بالی ووڈ میں سب سے زیادہ معاوضہ لینے والے اداکاروں میں سے ایک ہیں اور ان دنوں بھی اپنی نئی فلم کی شوٹنگ کے لئے برطانیہ گئے ہوئے ہیں۔

 

 

برطانیہ میں فلم کی شوٹنگ کی وجہ سے وہ اس ایوارڈ کو لینے خود نہیں آ سکے اس لئے ان کی ٹیم نے ان کی جگہ اس ایوارڈ کو وصول کیا ہے۔ اکشے کمار کے ذمے دارشہری ہونے پر مداحوں کی جانب سے بہت تعریف کی جا رہی ہے ۔