حکومت کی انوکھی چال؛ پٹرولیم مصنوعات میں اضافہ اور کمی دونوں ایک ساتھ کر دیا

حکومت کی انوکھی چال؛ پٹرولیم مصنوعات میں اضافہ اور کمی دونوں ایک ساتھ کر دیا

 

 

موجودہ وزیرا عظم پاکستان کا کہنا تھا کہ اگر عالمی منڈی میں پیٹرول کی قیمتوں میں کمی ہو گی تو پاکستان کے عوام کو اس کا ریلیف دیا جائے گا ۔

 

 

اوگرا کی جانب سے پٹرو ل کو 11 روپے سستا کر نے کی تجویز وزیراعظم کو بھجوائی گئی تو حکومت نے اس میں برائے نام کمی کر کے عوام کو ریلیف دیا۔

 

 

لیوی ٹیکس کو بڑھا کر عوام کو صرف 3روپے 05 پیسے کا ریلیف پیٹرولیم مصنوعات پر دیا گیا ۔ اس کے بعد سے پیٹرول کی نئی قیمت 227 روپے 19 پیسے ہو گئی ہے ۔

 

جاری کردہ اعلامیے کے مطابق پیٹرول کی قیمتیں کم کرنے کے بعد حکومت نے ہائی اسپیڈ ڈیزل کی قیمت میں اضافہ کر دیا گیا ہے ۔

 

ہائی اسپیڈ ڈیزل کی قیمت میں 8روپے 95 پیسے کا اضافہ کر دیا گیا ہے اور اب ڈیزل کی نئی قیمت 244 روپے 95 پیسے ہو گئی ہے ۔

 

 

وزارت خزانہ کے مطابق لائٹ ڈیزل کی قیمت میں 12 پیسے کی کمی کی گئی ہے اب لائٹ ڈیزل کی قیمت 191 روپے 32 پیسے ہو گئی ہے جبکہ مٹی کا تیل بھی 4 روپے 62 مہنگا کر کے اس کی نئی قیمت 201 روپے 7 پیسے ہو گئی ہے ۔