ہارمونز کی خرابی اور وزن کا بڑھنا۔
لاہور (اعتماد ٹی وی) خواتین میں زیادہ تر مسائل ہارمونز کی بے ترتیبی کی وجہ سے نظر آتے ہیں۔ اور یہ مسائل دن بہ دن بڑھتے جا رہے ہیں ہارمونز کا نظام ذرا سے بگاڑ کا شکار ہو تا ہے تو مسائل پیدا ہو جاتے ہیں۔ جو کہ مستقبل میں صحت کے لحاظ نقصان دہ ثابت ہوتے ہیں۔
خواتین کو چاہیے کہ وہ اپنے اندر ہونے والی ہر تبدیلی کو اور تکلیف سے متعلق اپنے معالج سے ضرور مشورہ کرتی رہیں تاکہ صحت مند و توانا رہ سکیں۔ ایسے ہی ہربلسٹ ڈاکٹر بلقیس کے مطابق ” آج کل جو خواتین میں PCOS کے مسائل کا شکار ہیں وہ ہارمونز کی وجہ سے ہی ہے۔ یہ بیماری خواتین میں عام ہے۔
اس بیماری کی سب سے بڑی وجہ غیر متوازن غذا ہے جو ہم کھائیں گے وہی ہمارے جسم پر نظر آئے گا اسی سے ہمارے جسم میں خون بنے گا۔
چونکہ آج کل خواتین دودھ کا استعمال نہیں کرتی اور نہ ہی سالن ایسا استعمال کیا جاتا ہے کہ وہ غذائی ضروریات کو پورا کرے۔
ایسی صورتحال میں جسم میں کیلشیم اور پروٹین کی کمی ہو جاتی ہے اور ہارمونز بگڑ جاتے ہیں۔ جس کی وجہ سے وزن تیزی بڑھ جاتا ہے جس کی وجہ سے بانجھ پن پیدا ہو جاتا ہے ۔ لڑکیاں موٹی ہو جاتی ہیں تو رشتوں کے مسائل بھی بڑھ جاتے ہیں۔
ایسے میں ڈاکٹڑ بلقیس جو کہ ہربل اسپیشلسٹ ہیں وہ دو خاص نسخے بتاتی ہیں۔ وزن کم کرنے کے لئے 6 گرام سہاگہ لے کر اس کو ایک پین میں ہلکی آنچ پر بھون لیں۔ اس کو اس وقت تک بھوننا ہے جب تک اس میں سے چٹخنے کی آواز آنی بند نہ ہو جائے۔
اس کے بعد بلینڈر میں 50 گرام خشک لیموں کا پاؤڈر ،50 گرام آمبا ہلدی، 50 گرام رائی دانہ اور ایک چمچ کچہری پاؤڈر کو ڈالیں۔ اس میں پھولا ہوا سہاگہ شامل کر کے اچھی طرح بلینڈ کر لیں۔
اس پاؤڈر کوآدھا چمچ صبح ناشتے کے بعد اور آدھا چمچ رات کو سونے سے قبل استعمال کریں آدھا چمچ دوپہر کو کھانے کے بعد بھی استعمال کریں۔
اس کے ساتھ ساتھ خواتین میں بانجھ پن کے مسئلے کو حل کرنے کے لئے ایک ٹپ بتائی ہے کہ خواتین کو چاہیے میتھی کا استعمال اپنی خوراک میں بڑھا دیں چاہے سالن بنا کر کھائیں یا پھر قہوہ بنا کر پی لیں۔
کیونکہ ہارمونز کے عدم توازن کی وجہ سے ہی بانجھ پن کے مسائل پیدا ہوتے ہیں میتھی میں ایسے ہارمونل انزائمز پائے جاتے ہیں جو کہ اس مسئلے کو حل کرتے ہیں۔
