آئی ایم ایف کی ایک اور شرط آگئی، مگر عوام کو ریلیف نام کی کوئی چیز میسر نہیں

آئی ایم ایف کی شرائط نے پاکستانی شہریوں کو مہنگائی کے پہاڑ تلے دبا دیا۔

 

اسلام آباد (اعتماد ٹی وی) چونکہ موجودہ حکومت کے آنے کے بعد بھی مہنگائی قابو میں نہیں آئی اس میں روز بہ روز اضافہ ہو رہا ہے ۔

 

 

ہر حکومت سابقہ حکومت کے غلط فیصلوں پر مہنگائی کا ملبہ ڈال کر عوام کے سامنے سرخرو ہو تی ہے ۔ ایسے ہی اب حالات ہیں آئی ایم ایف کو خوش کر کے قرضہ حاصل کرنے کے لئے پاکستان کی موجودہ حکومت کوششوں میں لگی ہوئی ہے۔

 

پیڑول جو کہ عالمی منڈی میں سستا ہو گیا ہے 6 ماہ کے کم ترین درجے پر آنے کے باوجود پاکستان میں اس کی قیمت میں کمی نہیں کی جا رہی ۔

 

نہ ہی بجلی کے بل میں کوئی بچت نظر آ رہی ہے ۔ ہر ماہ فیول ایڈجسٹمنٹ کی مد میں عوام پر لاکھوں کا اضافی ٹیکس لگایا جا رہا ہے ۔

 

اب حکومت نے آئی ایم ایف کی شرائط کو پورا کرنے کے لئےمزید مہنگائی کا بوجھ عوام پر ڈالنے کا فیصلہ کیا ہے جوکہ یہ ہے کہ آئندہ سے پیٹرول کی قیمتوں میں اضافہ یا کمی جو کہ مہینے بعد کی جاتی تھی اب سے ہر ہفتے کے بعد کی جائے گی۔

 

 

وزارت خزانہ کے ذرائع کے مطابق آئی ایم ایف کی جانب سے ایک اور شرط عائد کی گئی ہے جس کی وجہ سے پیٹرولیم مصنوعات سے متعلقہ اشیاء کی قیمتوں میں ردو بدل اب سے 15 دن بعد کی جائے گی۔

 

اس حوالے سے وفاقی کابینہ سے منظوری لی جائے گی پھر ان قیمتوں میں رد و بدل کی جائے گی۔ جو عالمی منڈی میں جو بھی پیٹرولیم مصنوعات کی قیمتوں میں کمی و زیادتی دیکھی جائے گی وہی عوام کو پہنچائی جائے گی۔