کشمیر پریمئیر لیگ میں احمد شہزاد کو بڑی کامیاب مل گئی

احمد شہزاد کی کامیابی ، کشمیر پریمئیر لیگ میں بڑا عہدہ۔

 

 

پاکستانی کرکٹ ٹیم کے کھلاڑی احمد شہزاد کشمیر پریمئیر لیگ کے دوسرے ایڈیشن کے لئے دفاعی چیمپین راولا کوٹ ہاکس کی جانب سے کپتان مقرر کر دئیے گئے ہیں۔

 

 

گزشتہ روز دفاعی چیمپین نے راولا کوٹ ہاکس نے اپنی جائے پیدائش سٹی راولا کوٹ کا یادگار ٹرافی ٹور کیا ۔ ٹرافی کو بنجوسہ جھیل اور شہر کے مختلف مقامات پر لے جایا گیا ۔

 

اس ٹور میں ٹیم کی انتظامیہ اور کھلاڑیوں نے پریس کلب کا دورہ بھی کیا۔ ٹیم کے چئیر مین جان ولی شاہین نے میڈیا کو بتایا کہ احمد شہزاد ہی گزشتہ سیزن میں ہماری کامیابی کا ذریعہ بنے اور ان کے ساتھ کھیل کھیل کر ہمارے نوجوان کھلاڑیوں کو بہت کچھ سیکھنے کا موقع ملا

 

 

اس خوشگوار موقع پر احمد شہزاد نے بتایا کہ راولا کوٹ ہاکس کی ٹیم سے ان کو دلی لگاؤ ہے اور گزشتہ سیزن میں ٹائٹل کی کامیابی میرے کرئیر کے یادگار لمحات میں شامل ہے اس مرتبہ سیزن ٹو میں بھی پوری کوشش ہے کہ یہ ٹائٹل اپنے نام کیا جائے۔

 

 

احمد شہزاد نے کہا کہ وہ ٹیم کو تمام نوجوانوں بالخصوص کشمیری کرکٹرز کے ساتھ اپنے تجربات کو شئیر کریں گے اور ا نکو زیادہ سے زیادہ مواقع فراہم کیے جائیں گے۔

 

 

اسی موقع پر ٹیم کے ہیڈ کوچ نے احمد شہزاد کے کپتان بننے پر نیک خواہشات کا اظہار کرتے ہوئے کہا کہ قوی امید ہے احمد شہزاد کی سربراہی میں ٹیم اچھا کھیل دکھائے گی۔