بابر اعظم کے افغانستان کے خلاف زیرہ پر آوٹ ہونے پر، ان کے والد کا اہم بیان آگیا۔

بابر اعظم کی لگاتار دو میچوں میں بری کارکردگی پر ان کے والد نے کیا کہا؟

 

پاکستان کے قومی کرکٹ ٹیم کے کپتان بابراعظم جو کہ اب تک کے میچوں میں اچھی کارکردگی دکھا رہے تھے۔ گزشتہ دو میچوں میں بابر اعظم کی قسمت کا ستارہ گردش کر رہا ہے جس کی وجہ سے انھوں نے دونوں میچوں میں کوئی خاص اسکور نہیں بنائے۔

 

بابر اعظم کے جلد آؤٹ ہونے پر جہاں عوام میں مایوسی پھیلی وہیں باقی کھلاڑیوں نے اپنے کپتان کی عزت رکھنے کا فیصلہ کیا اور اللہ تعالیٰ نے ان کے نیک جذبات کو قبول کرتے ہوئے جیت کا سہرا پاکستان کے سر سجایا۔

 

بابر اعظم کے والدسے بابر اعظم کی حالیہ میچوں کی کارکردگی کے متعلق سوال کیا گیا تو انھوں نے کہا کہ یہ سب قسمت کی بات ہے۔

 

اللہ تعالیٰ جب چاہے عزت دیتا ہے اس کے فیصلوں سے کوئی بھی انحراف نہیں۔ اگر اللہ نے نہیں لکھا تھا تو بابر کچھ بھی کر لیتا اسکور نہیں ہونے تھے۔ ایک صحافی کے سوال پر کہ اب بابر اعظم رینکنگ میں دوسرے نمبر پر آگئے ہیں۔ آپ کو افسوس ہو اہوگا ۔

 

بابر اعظم کے والد کا کہنا ہے کہ میرے لئے کرکٹ ٹیم میں موجود تمام کھلاڑی ہی بابر اعظم ہیں۔ اور بابر اعظم پاکستا ن ہے ۔ تو پاکستان کے لئے کوئی بھی کھیلے بس ملک کا نام اونچا ہونا چاہیے۔