بابر اعظم اور محمد رضوان کو اوپنر نہیں آنا چاہیے ، بلکہ یہ دو کھلاڑی اوپننگ کیلئے فٹ ہیں۔ مکی آرتھر

مکی آرتھر نے پاکستان کے کھلاڑیوں کے فارمیٹ پر اپنا تجزیہ پیش کر دیا۔

 

 

سابق کوچ مکی آرتھر نے میڈیا پر بات چیت کے دوران پاکستان کے کرکٹ کھیلنے کے فارمیٹ پر سوال اُٹھا دیا ۔ مکی آرتھر کو پاکستان کرکٹ ٹیم کی کوچنگ چھوڑے ہوئے خاصا عرصہ گزر چکا ہے ۔ مگر آ ج بھی وہ پاکستا نی کرکٹ ٹیم پر اپنی نظر خاص رکھے ہوئے ہیں۔

 

مکی آرتھر وقتاً فوقتاً پاکستانی کرکٹ ٹیم کے لئے اپنے مشورے دیتے نظر آتے ہیں۔ اور وہ اس حوالےسے کھل کر بات کرتے ہیں لیکن فی الحال وہ افغانستان کی ٹیم کے کوچ ہیں۔

 

 

اور اس ایشیاء کپ کے سلسلے میں دبئی میں موجود ہیں۔ ایک انٹرویو میں مکی آرتھر نے پاکستان کرکٹ ٹیم کے اوپنر کھلاڑیوں سے متعلق کہا ۔

 

 

مکی آرتھر کا کہنا ہے کہ میری نظر میں محمد رضوان اور بابراعظم کو اوپنر کھلاڑی کے طور پر نہیں آنا چاہیے۔ اس وقت پاکستان کا چونکہ مڈل آرڈر کمزور ہے اور محمد رضوان اور بابر اس وقت ٹاپ رینکنگ کے پلئیر ہیں۔

 

 

اگر ان میں سے ایک بھی کھلاڑی جلد ی آوٹ ہو تا ہے کہ تو پھر مڈل آرڈر کے لئے میچ کو سنبھالنا مشکل ہو جائے گا ۔

 

 

اس لئے میرے خیال میں فخر زمان اور محمد رضوان کو اوپنر کھلاڑی کے طور پر جانا چاہیے جبکہ کپتان بابر اعظم کو تیسرے نمبر پر آنا چاہیے۔ اس طرح پاکستان کی مڈل آرڈر کی کمزوری دور ہو جائے گی۔