اس آٹے سے میرا وزن 5 کلو کم ہوگیا۔۔ فضا علی موٹاپے سے بچنے کے لئے کون سا آٹا استعمال کرتی ہیں؟

موٹاپے سے بچائے رکھنے والا آٹا

پرکشش اور جوان نظر آنا کس کی خواہش نہیں ہوتی ؟ ہر شخص کی خواہش ہے کہ وہ سلم سمارٹ نظر آئے۔

خاص طور پر شوبز کے افراد کے لئے بڑھا ہوا وزن ایک ڈراؤنے خواب کی مانند ہوتا ہے ایسے ہی ایک ماڈل اور اداکارہ فضا علی ہیں جو کہ ایک بیٹی کی ماں ہونے کے باوجود کافی زیادہ سلم اور سمارٹ نظر آتی ہیں۔؎

ندا یاسر کے شو میں فضا علی نے وزن کم کرنے سے متعلق بتایا کہ وہ گندم کے آٹے کی روٹی استعمال نہیں کرتی کیونکہ وہ وزن بڑھانے کا باعث بنتی تھی۔ انھوں نے بتا یا کہ پھر انھوں نے خو د اناج پسوا کر آٹا استعمال کرنا شروع کر دیا ۔ جس سے ان کا وزن کم ہونا شروع ہو گیا ۔

اس آٹے میں وہ جو اناج شامل کرتی ہیں ان میں “جو ، باجرا، مکئی ، سویابین اور کالنے چنے” شامل ہیں ۔ ان سب چیزوں کی برابر مقدار کو وہ پسواتی ہیں اور ان کی ہی روٹی کھاتی ہیں۔ انھوں نے بتایا کہ اس کے استعمال سے ناصرف ان کا وزن کم ہوا بلکہ کولیسٹرول بھی کم ہوا۔

اس آٹے کو گوندھنے کے لئے وہ نیم گر م پانی کا استعمال کرتی ہیں اور پھر اس کو پانچ منٹ تک اچھی طرح گوندھتی ہیں اس آٹے کی روٹی کو زیادہ بیلا نہیں جاتا نہ ہی اس کو زیادہ بڑا کیا جاتا ہے بلکہ نیم گرم پانی لگا کر ہی اس کو پھیلایا جاتا ہے اور چھوٹی چپاتی بنا کر کھایا جاتا ہے۔