شاہد آفریدی نے بیٹی کے بھارتی پرچم لہرانے کی وجہ بتادی ۔
نجی ٹی وی کے مطابق پاکستا ن کرکٹ ٹیم کے کھلاڑی بوم بوم آفریدی نے اپنی چھوٹی بیٹی کے بھارتی پرچم کو لہرانے کی وجہ بتا دی ہے ان کا کہنا ہے کہ یہ سچ ہے کہ بیٹی نے بھارتی پرچم لہرایا ۔ لیکن ایسا کرنے کی وجہ صرف اتنی تھی کہ اسٹیڈیم میں پاکستانی پرچم دستیاب نہیں تھا ۔
اس لئے بیٹی کو جو جھنڈا ملا اس نے لہرانا شروع کر دیا۔ آفریدی کی بیٹی نے ایسا 4 ستمبر 2022 کے روز ایشیا کپ کے سپر فور مرحلے کے دوران کیا جب پاکستان اور بھارت کا میچ تھااور اس میچ میں پاکستان نے بھارت کو شکست سے دوچار کیا تھا۔
شاہد آفریدی کا کہنا ہے کہ ان کی اہلیہ اسٹیڈیم میں موجود تھیں اور ان کا کہنا تھا کہ اسٹیڈیم میں صرف 10 فیصد عوام ہی پاکستان کی تھی باقی سارا اسٹیڈیم بھارتی شائیقین سے بھرا ہوا تھا۔
کپتان کا کہنا ہے کہ ان کو جب اپنی بیٹی کی بھارتی پرچم لہرانے کی ویڈیو موصول ہوئی تو وہ اس کو سوشل میڈیا پر شئیر کرنے کے لئے کشمکش کا شکار تھے۔ آخر کار انھوں نے ویڈیو اپ لوڈ کردی ۔ صارفین نے اس وجہ سے ان کو ٹرول بھی کیا۔
