حکومت نے پاکستانی عوام کو نئی نوید سنا دی، عوام میں خوشی کی لہر
وزیر خزانہ مفتاح اسماعیل کے بعد وفاقی وزیر توانائی نے بھی بجلی و تیل کی قیمتیں کم کرنے کی نوید سنا دی۔
وفاقی وزیر توانائی خرم دستگیر نے آخر کار عوام کو خوشخبری سنا دی کہ آئندہ ماہ بجلی و تیل کی قیمتیں کم ہو نگی ۔ ذرائع کے مطا بق وزیر توانائی خرم دستگیر نے ایسا گوجرانوالہ میں نیوز کانفرس کے دوران کہا کہ ہماری پوری کوشش رہی ہے ملک میں لوڈ شیڈنگ پر قابو پایا جائے ۔
مشکل حالات کے باوجود ہم نے لوڈ شیڈنگ کو موسم گرما میں قابو میں کیا ہے اور اب موجود ہ سیلاب کی صورتحال کے باوجود متاثرہ علاقوں میں بجلی کی بحالی کا کام جاری ہے ۔ سیلاب کے نتیجے جو بھی صورتحال پیدا ہوئی ہے اس کے باوجود بجلی کے نظام کو بحال کیا گیا ہے۔
اب ملک میں کسی بھی جگہ بجلی بند نہیں ہے۔ سیلاب کی وجہ سے جعفر آباد نصیرآباد اور سندھ کے کچھ علاقوں میں ہم نے خود بجلی بند کی ہے ، دادو خضدار لائن گرگئی تھی اس کو بھی وزیراعظم کی ہدایت پر فوری بحال کیا ، خیبر پختونخواہ علاقو ں میں مکمل طور پر بجلی کی بحالی کو ممکن بنایا ۔
بلوچستان کے کچھ علاقوں میں بجلی بند کرنے کا مقصد صرف اور صرف لوگوں کے جان اور مال کو محفوظ بنانا ہے۔
