انڈونیشیا کے شخص کو جنگل میں ایسا پھول ملا کہ جس کی بدبو ۔۔۔
انڈونیشیا کے ایک شخص کی ویڈیو ٹوئٹر پر جاری ہوئی ہے جہاں ایک شخص جنگل سے گزر رہا تھا کہ اس کو اچانک سے ایک ایسا پھول ملا
جو کہ آج کل بہت نایاب ہے ۔ اس پھول کو عام زبان میں گل نعش کہا گیا ہے ۔ اس کا سائنسی نام ریفلیشیا ارنولڈائی ہے اس کو دنیا کا سب سے بڑا پھول ہونے کا اعزاز حاصل ہے۔
اس پھول کے متعلق سب سے اہم بات یہی ہے اس پھول کی زندگی چند دنوں پر محیط ہوتی ہے ۔ یہ پھول چند دنوں کے لئے ہی کھلتا ہے ۔
اس خوشبو کی بجائے بدبو آتی ہے اس لئے اس کو گل نعش کہا جاتا ہے۔ اس شخص نے ٹریکنگ کے دوران ویڈیو بنائی ہے۔
یہ پھول انڈونیشیا کے برساتی جنگلات میں موجود ہوتا ہے اس کا پھیلاؤ تین فٹ تک بڑھ جاتا ہے اس کا وزن 15 پاؤنڈ ہوتا ہے ۔
اس شئیر کردہ ویڈیو میں دیوہیکل پھول کو جنگل میں زمین پر پڑا ہوا باآسانی دیکھا جا سکتا ہے اس کا رنگ سرخ ہے اور یہ پورا کھلا ہوا ہے ۔ اس پر سفید رنگ کے دھبے موجود ہیں ۔ یہ پانچ پنکھڑیوں پر مشتمل ہوتا ہے۔
