سیلاب کے بعد کراچی کے صارفین پر بجلی کا ایک اور ٹیکس لگا دیا گیا ۔

سیلاب کے بعد کراچی کے صارفین پر بجلی کا ایک اور ٹیکس لگا دیا گیا ۔

ذرائع کے مطابق سندھ میں سیلاب کے مسائل کے بعد سندھ حکومت کی جانب سے شہریوں پر ایک اور ٹیکس لگا دیا گیا۔

کے الیکٹرک اور کے ایم سی کے مابین ٹیکس کی وصولی کا معاہدہ طے پا گیا ہے  جس کے تحت بجلی کے بلوں میں کے ایم سی چارجز وصول  کئے جا رہے ہیں۔

شہریوں کا کہنا ہے کہ یہ ٹیکس نہیں ہے یہ ظلم ہے جو کہ حکومت کی جانب سے کیا جا رہا ہے ۔ اتنی مہنگائی کے بعد یہ ٹیکس کراچی والوں کے ساتھ ایک ناانصافی ہے ،

آدھی شہر کی سڑ کیں ٹوٹی ہوئی ہیں  کہیں سے بھی کچرا اُٹھانے کے روا دار نہیں ہیں۔  ہم اپیلیں کر کے تھک گئے ہیں۔

معاہدے کے مطابق 200 یونٹ استعمال کرنے والے صارفین پر 50 روپے اور 200 سے 700 یونٹ استعمال کرنے پر  150 روپے میونسپل ٹیکس عائد ہوگا 700 سے

زائد یونٹ استعمال کرنے والوں پر 200 روپے ماہانہ ٹیکس دینا ہوگا۔ کمرشل اور انڈسٹریل صارفین کو بھی 200 روپے ماہانہ میونسپل ٹیکس کی صورت میں ادا کرنا ہوگا۔

ایک گھر میں لگے زائد میٹروں پر بھی ٹیکس وصول کئے جائیں گے۔مجموعی طور پر 24 لاکھ صارفین سے یہ ٹیکس وصول کیا جائے گا۔