جیسا کہ ہم سب جانتے ہیں کہ پی ٹی اے نے کچھ خاص وجوہات کی بنا پر ٹک ٹوک کو پاکستان میں بند کر دیا ہے اس پر پابندی عائد کر دی ہے تو ایک نجی ٹی وی چینل نے جب مختلف پارکوں میں جا کر ٹک ٹاک بنانے والے نوجوان پاکستانیوں سے سوال جواب کیے اور پوچھا کہ ٹک ٹاک بند ہونے کی وجہ سے ان پر کیا اثرات آئے ہیں اور ان کا ردعمل جاننے کی کوشش کی تو کافی دلچسپ ردعمل سامنے آیا ہے۔
ان میں سے کچھ دلچسپ جوابات ہم آپ کے سامنے رکھیں گے
ایک نوجوان جو کہ لال سرخ چشمہ لگائے شرٹ باہر نکالے ایک منفرد انداز میں ہاتھ میں موبائل پکڑے اپنی ویڈیو بنانے کی کوشش میں کھڑا تھا جب اس سے سوال کیا گیا کہ آپ ٹک ٹاک بند ہونے پر کیا کہیں گے تو بڑے دلچسپ انداز میں اس نے کہا کہ میں تین سال لگا کر بڑی محنت کرکے یہاں تک پہنچا ہوں جب مجھے لوگ پہچانے لگے تو ٹک ٹاک بند کر دیا گیا میرے رشتے آنے شروع ہوگئے تھے میرے لیے روز نئے رشتے آتے تھے لیکن اب وہ بھی نہیں آیا کریں گے لوگ مجھے ٹک ٹاک پہ دیکھنا پسند کرتے تھے۔
پھر جب دوسری طرف رخ کیا آپ تو دور ایک جوڑا کھڑا نظر آیا قریب جا کر دیکھا تو دو لڑکے تھے جنہوں نے ایک جیسے کپڑے پہنے ہوئے تھے ہاتھوں میں ہاتھ تھے اور ایک تیسرا لڑکا موبائل پکڑے ان کی ویڈیو بنا رہا تھا اور وہ آپس میں دوستی بھائی چارہ محبت کا پیغام جیسی ڈائیلاگ پہ ویڈیو بنا رہے تھے جب ان سے سوال کیا گیا کہ آپ ٹک ٹاک بند ہونے پہ کیا کہنا چاہیں گے۔
تو انہوں نے بھی ایک دلچسپ جواب دیا انہوں نے کہا کہ ہم روز یہاں پہ آتے ہیں ہر روز ویڈیوز بناتے ہیں ہماری دوستی پہلے سے زیادہ گہری ہوگئی ہے لوگ ہمیں ایک ساتھ دیکھنا پسند کرنے لگے تھے لیکن شاید حکومت وقت کو یہ چیز پسند نہیں آئی انہوں نے ٹک ٹاک بند کر دیا ہے اب ہم کہاں جائیں گے ہم کہاں ملیں گے ہم اب کیا کریں گے ہمارے پاس اس کے علاوہ تو کوئی اور کام نہیں ہے۔
اسی پارک میں ایک اور دلچسپ شخص دیکھنے کو ملا جسے چاروں طرف سے لڑکوں نے گھیرا ہوا تھا اس تک رسائی حاصل کرنا آسان نہ تھا عوام کو ایک طرف کرکے جب اس تک رسائی حاصل کی تو دیکھنے میں آیا کہ وہ ایک دبلا پتلا سا لڑکا تنگ پینٹ شرٹ پہننے لمبے بالوں والا گلابی گلاسز لگائے ہوئے اور لڑکیوں سے بہتر میک اپ کے ساتھ بڑا پُر اعتماد سب کے درمیان سیلفیز لیتا ہوا کھڑا تھا ہر کوئی اس کے ساتھ سلفی لینا چاہتا تھا۔
اور جب اس سے سوال کیا گیا کہ آپ پہ ٹک ٹاک بند ہونے کا کیا اثر ہوا ہے تو اس نے دلچسپ جواب دیا کہ مجھے ٹی وی فلموں ڈراموں میں آنے کا بڑا شوق تھا لیکن مجھے کبھی موقع نہیں ملا میں بہت جگہوں پہ گیا لیکن مجھے کبھی کسی نے موقع نہیں دیا لیکن ٹک ٹوک ایک ایسی جگہ ہے جو آپ گھر بیٹھے استعمال کریں اور پوری دنیا پر چھا جائیں آپ کے پاس اگر ٹیلنٹ ہے تو آپ کو دنیا محبت کرتی ہے ملتی ہے پسند کرتی ہے
جیسا کہ دیکھ سکتے ہیں کہ سب میرے ساتھ سب سیلفی لینا چاہتے ہیں ٹک ٹوک نے ہمیں اتنی عزت دی ہے لیکن حکومت پاکستان نے ٹک ٹاک کو بند کر دیا ہے اب اس کا سب سے زیادہ نقصان پاکستانی یوتھ ہوگا ہم جیسے لڑکوں کو ہوگا جو کامیابی کی طرف چلنا شروع ہی ہوئے تھے۔
اسی طرح کافی لوگوں سے پوچھا گیا کچھ تو کہنے لگے کہ ہم احتجاج کریں گے ہم سڑکوں پر آئیں گے کوئی مزاحیہ انداز میں کہنے لگا کہ ہم اپنی چھت پہ چڑھ کے احتجاج کریں گے۔
اس تحریر کے آخر میں ہم اپنے پڑھنے والوں کے لیے ایک سوال چھوڑ کے جا رہےہیں آپ اس کا جواب کومنٹس باکس میں ضرور دیجیے گا کہ کیا ہماری نوجوان نسل کے پاس سچ میں گانوں پہ ہونٹ ہلانے، گانوں پر ٹھمکے لگانے اور عجیب انداز میں سلو موشن میں چلتے ہوئے ویڈیو بنانے کے علاوہ کوئی کام نہیں ہے کیا ایک ایپلیکیشن بند ہو جانے سے ہماری نسل کا کوئی نقصان ہو سکتا ہے یا اس کے چلنے سے ہماری نسل کا کوئی نقصان ہوگا۔ ہماری نوجوان نسل کو یہ چیز سوچنا چاہیے کہ وہ کس طرف جا رہے ہیں
ہمارا دین ہمیں کیا چیز سکھاتا ہے اور یہ چائینیز موبائل ایپلیکیشن ہمیں کیا سیکھا رہی ہیں ہم کس چیز کو ٹیلنٹ کا نام دے کر پروموٹ کر رہے ہیں کیا یہی ہمارا کلچر ہے؟؟؟
