سموگ اور موسم سرما کی چھٹیوں سے متعلق وزیر تعلیم نے بڑا علان کر دیا۔

صوبائی وزیرتعلیم ڈاکٹر مراد راس کا کہنا ہے کہ کورونا کے باعث پہلے ہی بچوں کا بہت تعلیمی نقصان ہوچکا ہے، سموگ اور موسم سرما کی چھٹیاں نہیں ہونی چاہئیں۔

پریس کانفرنس کرتے ہوئے صوبائی وزیر تعلیم مراد راس نے اکیڈمیز کلچر کے خاتمے اور تعلیمی نقصان پورا کرنے کیلئے انصاف اکیڈمی کے قیام کا اعلان کردیا۔

انصاف اکیڈمیز کے قیام سے بچے گھر بیٹھے لیکچرز اور ٹیسٹ دے سکیں گے۔ان کا کہنا تھا کہ والدین پر فیسوں کا دباؤ کم کرنے کیلئے سرکاری سکولوں کے اساتذہ کی اکیڈمیز میں پڑھانے پر پابندی بارے غور کر رہے ہیں۔

ڈاکٹر مراد راس کا کہنا تھا کہ سموگ اور موسم سرما کی چھٹیاں نہیں ہونی چاہئیں، تاہم فیصلہ صورتحال کو دیکھ کریں گے، ان کا کہنا تھا کہ اس وقت 50 فیصد بچے سکول آنے سے اس سال سموگ کم ہونےکا امکان ہے