ڈپٹی کمشنر نے تعلیمی اداروں اور ریسٹورنٹس کو سیل کرنے کا علان کردیا۔

لاہور میں کورونا وائرس کیسز میں روزانہ اضافے پر ڈپٹی کمشنر لاہور کا شہر میں کورونا وائرس ایس او پیز پر عملدرآمد نہ کرانے والے تعلیمی اداروں اور ریسٹورنٹس کو پندرہ روز کے لیے بند کرنے کا علان کر دیا۔

 

 

ڈپٹی کمشنر لاہور نے کورونا ایس او پیز پر عملدرآمد نہ کرنے والے تعلیمی اداروں، ریسٹورنٹس اور شادی ہالز کو پندرہ روز تک سیل کا علان کر دیا ہے۔

 

 

شہر میں کورونا وائرس کیسز بڑھنے پر ڈپٹی کمشنر لاہور مدثر ریاض نے کہا کہ مارکیٹس، شادی ہالز اور ریسٹورنٹس کورونا کا مرکز بن گئے ہیں۔ ضلعی انتظامیہ نے کورونا کیسز میں اضافہ کے بعد سخت فیصلے کرنے کا ارادہ کرلیا ہے۔

 

 

شہر کے سٹورز، مارکیٹس اور بیکریوں کے نام بھی شامل ہیں، جن علاقوں میں کورونا ایس او پیز پر عملدرآمد نہ ہوگا ان علاقوں میں سمارٹ لاک ڈاؤن کیا جائے گا۔

 

 

عوامی مقامات، شادی ہالز اور شاپنگ مالز میں ماسک، سینیٹائزر اور سماجی فاصلہ نہ ہونے پر اس کو سیل کر دیا جائے گا۔ ضلعی انتظامیہ نے گزشتہ رات شادی ہالز اور بیکریوں کو سیل کرنا شروع کر دیا ہے۔

 

 

مدثر ریاض ڈی سی لاہور کا کہنا تھا کہ شہر میں کورونا کے بڑھتے ہوئے کیسز کے سبب سختی سے کام کیا جائے گا۔

 

 

شہر کی تمام تحصیلوں میں کورونا ایس او پیز پر عملدرآمد کروانے کے لئے خصوصی ٹیمیں بنائی گئی ہیں۔ اسسٹنٹ کمشنرز اپنی تحصیلوں میں آج رات اور کل سخت کریک ڈاؤن کریں گے۔