ایک حیرت انگیز واقعے میں ، جمعرات کے روز کوئٹہ میں ایک گاڑی کے ٹکر سے اسپتال لائے جانے والے ایک بھکاری سے 85 ہزار سے زائد روپے برآمد ہوئے۔
تفصیلات کے مطابق کوئٹہ کے سریاب روڈ پر نامعلوم تیز رفتار گاڑی نے ایک بھکاری کو ٹکر مار دی۔ حادثے کے بعد وہ بے ہوش ہوگئے اور انہیں ریسکیو اہلکاروں نے سول اسپتال لے جایا۔
متاثرہ شخص کی شناخت کے لئے پولیس عہدیداروں نے اس کی جیب کی تلاشی لی تو اس سے 85000 روپیہ برآمد ہونے پر دنگ رہ گئے۔
اسسٹنٹ پولیس عطا اللہ شاہ نے تفصیلات دیتے ہوئے بتایا کہ بھکاری کو بے ہوشی کی حالت میں ریسکیو اہلکاروں نے اسے اسپتال کی ایمرجنسی میں لایا۔ انہوں نے بتایا کہ جب پولیس عہدیداروں نے اس کی جیب چیک کی تو انہیں 85000 سے زیادہ کی رقم ملی۔
اس بھکاری کے بیٹے نے صحافیوں کو بتایا کہ اس کے والد ذہنی مریض ہیں ، انہوں نے مزید کہا کہ وہ ایک بھی پائی اپنے خاندان یا کسی اور پر بھی خرچ نہیں کرتے۔
بھکاری کی شناخت شاہ محمد کے نام سے ہوئی ہے اور وہ اس وقت اسپتال کے ٹراما سنٹر میں زیر علاج ہیں۔
