عورت سے ہاتھ ملانے سے انکار کرنے پر مسلم مرد ڈاکٹر کی جرمنی کی شہریت مسترد کردی گئی۔
لبنان سے تعلق رکھنے والا 40 سالہ ڈاکٹر 2002 میں طب کی تعلیم حاصل کرنے جرمنی آیا تھا اور اب کلینک میں سینئر معالج کی حیثیت سے کام کر رہا تھا۔
جرمن اخبار ڈوئچے ویلے (ڈی ڈبلیو) کی خبر کے مطابق ، اس نے 2012 میں شہریت کے لئے درخواست دی اور پھر اچھے اسکور کے ساتھ امتحان میں پاس کیا۔ اس عمل میں اس نے شدت پسندی کی مذمت کرنے اور جرمنی کے آئین کے ساتھ وفاداری کرنے کا اظہار بھی کیا تھا۔
بہرحال ، جب اس نے 2015 کی ایک تقریب میں کسی خاتون اہلکار سے مصافحہ کرنے سے انکار کردیا تو اس کا سرٹیفکیٹ روک لیا گیا اور بالآخر اس کی درخواست کو بھی نامنظور کر دیا گیا۔
جرمنی کی ایک عدالت نے فیصلہ سنایا کہ مذہبی وجوہات کی بناء پر اگر کوئی مسلمان مرد کی عورت سے ہاتھ ملانے سے انکار کرے تو اس کی شہریت مسترد کردی جانی چاہئے۔
ڈاکٹر نے اصرار کیا کہ اس نے صرف ہاتھ ملانے سے انکار کیا تھا کیونکہ اس نے اپنی بیوی سے وعدہ کیا تھا کہ وہ کسی اور عورت کو ہاتھ نہیں لگائے گا ، اور اس کے مذہبی عقائد اسے ایسا کرنے سے منع کرتے ہیں۔
لبنانی ڈاکٹر نے عدالت سے رجوع کیا اور عدالت میں اپنا مقدمہ پیش کیا۔ عدالت نے فیصلہ دیا کہ جو بھی شخص جینڈر کی بناء پر مصافحہ کرنے سے انکار کیا تو اسے جرمنی کے آئین کی خلاف ورزی سمجھا جائے گا۔
آؤٹ لیٹ نے بتایا کہ ڈاکٹر اب اس فیصلے کو وفاقی عدالت میں اپیل کر سکتا ہے۔
