مریم نواز نے 13 دسمبر کو ہونے والے جلسہ کے بارے میں اہم پیغام جاری کر دیا، نواز لیگ ورکرز کو فیصلہ کرنا ہوگا

لاہور (نیوز ڈسک) مریم نواز کے ساتھ ساتھ پاکستان ڈیموکریٹک موومنٹ کے تمام عہدیداروں میں لاہور کے جلسے کو لے کر ایک غیر یقینی کا عالم پایا جا رہا ہے۔

 

عوام کو پرعزم اور متحد کرنے کے لئے، مسلم لیگ نواز کی قائد مریم نواز نے وڈیو پیغام جاری کیا ہے، جس میں انھوں نے عوام کو مخاطب کرتے ہوئے کہا ہے کہ انھیں ہر حال میں جلسہ میں آنا ہو گا اور فیصلہ کرنا ہو گا۔

 

مریم نواز نے عوام الناس کو مخاطب کرتے ہوئے کہا کہ آپ سچ کےساتھ کھرے ہو کر انشاءاللہ ایک نئی تاریخ رقم کرے گے۔

 

انکا کہنا تھا کہ 13 دسمبر جلسہ کا دن نہیں بلکہ فیصلہ کا دن ہے۔ فیصلہ آپکے حق کا یا پھر فیصلہ موجدہ بد ترین حالات سے سمجھوتے کا؟ آپکو فیصلہ کرنا ہو گا مہنگائی کے خلاف، معیشت اور روگاز کے برے حالات کے خلاف، آٹا اور چینی غائب ہونے کے خلاف، مہنگی گیس اور بجلی کے خلاف، کشمیر کے سودے کے خلاف، ہسپتالوں کے بیمار اور مفلوج نظام کے خلاف، مہنگی ادویات کے خلاف، طلبہ کے وظائف کی معطلی کے خلاف، فیصلہ آپ نے کرنا ہے۔

 

محترمہ کا کہنا تھا کہ اب عوام کو گھروں سے نکلنا ہو گا اور بتانا ہو گا ان نکمے حکمرانوں کو کہ اب برے حالات کی رات ختم ہو چکی ہے۔ انھوں نے کہا کہ اب ایک آزاد صبح ہونے کو ہے۔

 

آخر میں انھوں نے کہا میرے بھائیوں، بیٹوں اور بہنوں آپ سے اب مینار پاکستان میں ملاقات ہو گی۔ آپکی منتظر آپکی بیٹی، بہن مریم نواز شریف۔