بلاول بھٹو نے عمران خان کی آفر کو ٹھکرا کر بڑا اعلان کر دیا۔
کراچی (نیوز ڈسک) پاکستان پیپلز پارٹی کے چیئرمین بلاول زرداری بھٹو نے عمران خان کی ڈائیلاگ کی آفر کو مسترد کر کے نیا اعلان کر دیا۔
بلاول بھٹو نے عمران خان کی آفر کو ٹھکرا کر بڑا اعلان کر دیا۔
میڈیا سے بات کرتے ہوئے، بلاول زرداری بھٹو نے بتایا کہ حکومت کے ساتھ پاکستان ڈیموکریٹک موومنٹ کا کوئی بیک ڈور تعلق نہیں ہے۔ انہوں نے کہا پاکستان ڈیموکریٹک موومنٹ نے واضح کہا ہے کہ اب کسی بھی قسم کی بات چیت اُس وقت ہی ہو گی،
جب کٹ پتلی وزیراعظم عمران خان استعفٰی دے گا۔ ان کا کہنا تھا کہ وزیراعظم عمران خان کا ایک ہفتہ کے لئے دھرنا کرنے کا چیلنج انھوں نے قبول کر لیا ہے اور وہ عمران خان کو شکست دیں گے۔
انھوں نے مزید کہا کہ لوگ دو وقت کی روٹی نہیں کھا سکتے اتنی مہنگائی ہو گئی۔ لوگوں کے لئے بجلی، گیس کا بل دینا مشکل ہو گیا ہے۔ سب لوگ پاکستان ڈیموکریٹک موومنٹ کے ساتھ دھرنے میں اسلام آباد جائینگے اور عمران خان کا استعفٰی لے کر ہی چھوڑینگے۔
