سکول کھولنے کے بارے میں وزیر تعلیم نے اہم اعلان کر دیا۔
کراچی (نیوز ڈیسک) کورونا کی دوسری لہر پوری دُنیا سمیت پاکستان میں بھی پھیل رہی ہے۔
تفصیلات کے مطابق، وزیر تعلیم سندھ سعید غنی نے کہا کہ موجودہ کرونا کی لہر میں اضافہ کی وجہ سے، تمام تعلیمی اداروں کا اگلے ماہ کُھلنا ناممکن ہے۔ ان کا مؤقف تھا کہ پوری دُنیا سیمت پاکستان میں بھی کرونا کے حالات بگڑ رہے ہیں، جسکی وجہ سے تمام تعلیمی اداروں کو جنوری میں کھولنا ناممکن لگ رہا ہے۔
آپ کو بتاتے چلے کہ اس سے پہلے وفاقی وزیر تعلیم شفقت محمود کی سربراہی میں تمام صوبوں کے وزراء کی میٹنگ ہوئی جس میں یہ فیصلہ کیا گیا تھا کہ 11 جنوری 2021 تک تمام تعلیمی ادارے بند رہینگے۔
تاہم، ابھی تک اس بارے میں وفاقی وزیر تعلیم شفقت محمود سمیت کسی بھی اور صوبہ کے وزیر تعلیم کا کوئی فیصلہ نہیں آیا۔
بین الاقوامی سطح پر کرونا کی صورت حال دن بدن بگڑ رہی ہے، جس کی وجہ سے لندن میں مکمل لاک ڈاؤن ہو گیا ہے۔ جبکہ سعودی عرب نے تمام بین الاقوامی پرازوں کو منسوخ کر دیا ہے۔
