سکھر (نیوز ڈیسک) مسلم لیگ نواز کی وائس چئیر پرسن مریم نواز نے آرمی کی حمایت حاصل ہونے کے بارے میں اہم اعلان کر دیا۔
تفصیلات کے مطابق، سکھر میں ورکرز سے بات چیت کرتے ہوئے، مریم نواز کا کہنا تھا کہ حکومت کو گرانے کے لئے انھیں آرمی کی حمایت کی ضرورت نہیں ہے کیونکہ ان کے پاس بطور پاکستان ڈیموکریٹک موومنٹ عوام کی طاقت ہے۔
انھوں نے یہ بیان عمران خان کے الزام پر دیا، جس میں انھوں نے کہا تھا کہ اپوزیشن آرمی کو سیاست میں مداخلت کرنے کے لئے مجبور کر رہی ہے۔
مریم نواز نے پارٹی ورکرز کو سراہتے ہوئے کہا کہ وہ ان کارکنوں کو سلیوٹ پیش کرتی ہے، جنہوں نے حکومت کے مختلف ہتھکنڈوں کے باوجود بھی سر نہیں جھکایا اور جماعت کے ساتھ کھڑے رہے۔۔
انھوں نے وزیراعظم عمران خان کو تنقید کا نشانہ بناتے ہوئے کہا کہ جو لوگ حکومت کو چور کہتے تھے آج کہہ رہے ہے کہ ہم نے ابھی تک تیاری مکمل نہیں کی۔
انھوں نے مزید پوچھا کہ جب آپ کی تیاری مکمل نہیں تھی، تو پھر کیوں 220 ملین لوگوں کے ساتھ کھیلا گیا محض اپنے دوستوں کی جیبوں کو بڑھنے کے لئے؟
