جنوبی وزیرستان (نیوز ڈیسک) وزیر اعظم عمران خان نے آج سے وزیرستان میں تھری جی / 4 جی براڈ بینڈ خدمات کو شروع کرنے کا اعلان کر دیا۔
وزیر اعظم عمران خان نے یہ اعلان جنوبی وزیرستان کے دورے کے دوران قبائلی عوام کے لئے مختلف ترقیاتی منصوبوں کے افتتاح کے لئے ہونے والی تقریب میں کیا۔
کامیاب جوان پروگرام کی تقریب سے خطاب کرتے ہوئے وزیر اعظم نے کہا کہ پاکستان تحریک انصاف کی حکومت نے قبائلی علاقوں اور بلوچستان کی ترقی کو ترجیح دی ہے۔ انہوں نے اس عزم کا اظہار کیا کہ قبائلیوں کے لئے کالجوں ، اسکولوں ، یونیورسٹیوں اور وظائف سمیت تمام تعلیمی سہولیات کی فراہمی کے ذریعے زیادہ سے زیادہ کوششیں کی جائیں گی۔ انہوں نے نوجوانوں کی تکنیکی مہارتوں کو حاصل کرنے کے لئے قبائلی علاقوں میں ٹیکنیکل کالج کے قیام کا اعلان کیا۔
عمران خان نے کہا کہ تعلیم کے بعد سب سے بڑا چیلنج روزگار ہے۔ پچھلے 15 سالوں کے دوران ، وانا میں بہت مشکل حالات رہے انہوں نے کہا کہ کامیاب جوان پروگرام صرف ایک آغاز ہے کیونکہ حکومت تمام قبائلی علاقوں اور بلوچستان کی ترقی کے لئے اپنی کوششیں جاری رکھے گی۔
مزید پڑھیے: مریم نواز نے تحریک انصاف کو ملنے والی غیر ملکی فنڈنگ کی اصلیت بتا دی، پی ٹی آئی میں رنج و غم
مزید بتایا کہ قبائلی علاقوں کو صوبہ خیبر پختونخواہ میں ضم کرنا ایک مشکل کام تھا اور کچھ عناصر نے اس اقدام پر غلط فہمیاں پھیلانے کی کوشش کی۔ انہوں نے صوبہ خیبر پختونخواہ میں قبائلی اضلاع کے انضمام کے دوران قبائلیوں کو اپنا کردار ادا کرنے پر خراج تحسین پیش کیا۔
پرائم منسٹر عمران خان نے اعلان کیا کہ آج سے وزیرستان میں تھری جی / 4 جی خدمات کو فعال کردیا جائے گا اور کہا کہ انہوں نے آرمی چیف اور آئی ایس آئی کے سربراہ سے اس معاملے پر تبادلہ خیال کیا ہے۔
مزید پڑھیے: وینا ملک نے مفتی عبدالقوی کے حریم شاہ اور فضل الرحمان کے مریم کے ساتھ تعلق کا بھانڈہ پھوڑ دیا۔
آئندہ ماہ سے زیتون کے درختوں کی شجرکاری مہم شروع کرنے کا بھی اعلان کیا اور بتایا کہ درختوں کی حفاظت کی ذمہ داری مقامی لوگوں کو دی جائے گی۔
ساتھ ہی عثمان ڈار کو ہدایت کی کہ قبائلی نوجوانوں کے وظائف کی تعداد دوگنا کردیں۔ انہوں نے خیبر پختونخواہ حکومت سے مطالبہ کیا کہ وہ وزیرستان کے تمام خاندانوں کو صحت کی انشورنس فراہم کرنے کے علاوہ ڈیم بنا کر پانی کے مسائل حل کریں۔
