طالب علموں کی محنت رنگ لے آئی، وزیر تعلیم کا بڑا اعلان۔۔

اسلام آباد (نیوز ڈیسک) وفاقی وزیر تعلیم شفقت محمود نے سماجی رابطہ کی ویب سائٹ ٹوئٹر پر طالب علموں کے موجودہ مطالبہ کے بارے میں اپنا مؤقف بتایا۔

تفصیلات کے مطابق، وزیر تعلیم نے کہا کچھ یونیورسٹی کے طالب علم مطالبہ کر رہے ہیں کہ جیسے ان کی کلاسیں آن لائن ہوئی ہے، ویسے ہی ان کے پیپر بھی آن لائن ہو۔ اس مطالبہ پر ان کا کہنا تھا یہ وہ کام ہے، جس پر فیصلہ لینا یونیورسٹی کا کام ہے۔ انہوں نے کہا کہ پھر بھی ہائیر ایجوکیشن کمیشن کو ہدایات دے دی گئی ہے کہ وہ اس بارے میں یونیورسٹیوں کے وی سی سے مشاورت کرکے اس مسئلے کا مناسب حل نکالے۔

محمود نے مزید یونیورسٹیوں کو بھی ہدایت دیتے ہوئے کہا کہ یونیورسٹیاں بھی اپنے طور پر جانچ پڑتال کرے کہ آیا وہ آن لائن اتنے طالب علموں کے پیپر لینے کی صلاحیت رکھتی بھی ہے یا نہیں؟ تاکہ کوئی بچہ اپنے حق سے محروم نا ہو جائے۔ مزید تاکید کرتے ہوئے ہدایات دی گئی کہ آن لائن سسٹم کا غلط استعمال نا کیا جائے اور پیپر بھی اچھے اور میرٹ پر بنایا جائے تاکہ طالب علموں کے حق میں بہتر ہو۔