ریحام خان بھی طالب علموں کے حق میں کھڑی ہوگئی، یو سی پی مشکلات کا شکار۔

ریحام خان بھی طالب علموں کے حق میں کھڑی ہوگئی، یو سی پی مشکلات کا شکار۔

لاہور (نیوز ڈیسک) مورخہ 26 جنوری 2021 کو سماجی رابطہ کی ویب سائٹ ٹوئٹر پر ریحام خان نے پیغام جاری کرتے ہوئے پاکستان کی مشہور یونیورسٹی، یونیورسٹی آف سنٹرل پنجاب کو تنقید کا نشانہ بنایا۔

 

تفصیلات کے مطابق، خان نے اپنے پیغام میں کہا کہ یہ طالب علم ہے بھیڑ بکریاں نہیں، جن کے ساتھ جو چاہوں ویسا سلوک کرو۔ ان کا کہنا تھا کہ والدین اپنے پسینے کی کمائی سے بچوں کی پڑھائی کے اخراجات ادا کرتے ہے، جبکہ بچوں کے ساتھ ایسا غلط سلوک کیا جاتا ہے۔ انہوں نے مزید حکومت سے مطالبہ کیا کہ وہ یونیورسٹی آف سنٹرل پنجاب کے خلاف فوری ایکشن لے۔

 

آپ کو بتاتے چلیں کہ چند روز سے طالب علموں کا احتجاج چل رہا ہے کہ ان کے پیپرز بھی کلاسز کی طرح آن لائن کیے جائے، جس پر حکومت کے متعلقہ ادارے متحرک ہوئے اور طالب علموں کو گھر بھیجنے کے لئے مختلف طریقے استعمال کیے گئے۔

 

جبکہ، دوسری طرف وفاقی وزیر تعلیم شفقت محمد کا کہنا ہے کہ ہائیر ایجوکیشن کمیشن کو ہدایات دے دی ہے کہ وہ یونیورسٹیوں کے ساتھ رابطہ کرکے اس معاملے کا حل نکالے۔