بھارتی میڈیا کے مطابق ، بھارتی مزاحیہ شو دی کپل شرما شو کچھ ہفتوں کے لئے عارضی طور پر بند ہوگا۔
انڈین ایکسپریس نے ذرائع کے حوالے سے بتایا ہے کہ کپل شرما کے شو کو کچھ تخلیقی تبدیلیوں کے سبب عارضی طور پر معطل کردیا جائے گا۔
شو کچھ ہفتوں کے اندر دوبارہ تیار کردہ اوتار میں واپس آجائے گا۔
ایک اور دوسری وجہ دی کپل شرما شو کو معطل کیے جانے کی یہ بھی بتائی جا رہی ہے کہ شو کے میزبان کپل شرما کی اہلیہ جینی چتراتھ اس وقت حاملہ ہیں اور اگلے ہی مہینے یہ جوڑا اپنے دوسرے بچے کا استقبال کرنے کے لئے تیار ہے لہذا کپل شرما نے اپنے کام سے کچھ عرصہ وقفہ لینے کا فیصلہ کیا ہے۔
رپورٹ میں مزید کہا گیا ہے کہ اداکار کامیڈین اپنے خاندان، اپنی بیوی، بچے اور نومولود کے ساتھ زیادہ وقت گزارنا چاہتے ہیں۔
سلمان خان ٹیلی ویژن اور بنیجے ایشیاء کے تیار کردہ کپل شرما شو کا آغاز 2016 میں کیا گیا تھا۔ جو کہ ایشیاء کا ایک بہت مقبول شو سمجھا جاتا ہے
