ماسٹر چنگان کے سی ای او نے نئی لانچ ہونے والی کار ایلسون کی پاکستان میں بکنگ بند کرنے کی اصل وجہ بتا دی۔۔

لاہور (نیوز ڈیسک) پاکستان موٹر کار مارکیٹ میں چنگان کی نئی کار نے مارکیٹ میں ہل چل ماچا دی۔

 

تفصیلات کے مطابق، ایک نجی نیوز چینل کو انٹرویو دیتے ہوئے چنگان کے سی ای او نے بتایا کہ ان کے پاس جو کار بنانے کا پلانٹ ہے، وہ سالانہ 30 ہزار کاریں بنانے کی صلاحیت رکھتا ہے، جس پر اب بھی کام ہو رہا ہے اور جلد ہی 30 ہزار کاریں ایک سال میں بننا شروع ہوجائینگی۔

 

کچھ ہی دنوں میں کار کی بُکنگ بند ہونے پر، سی ای او نے وضاحت دیتے ہوئے بتایا کہ کمپنی نے آغاز میں ہی پری بکنگ شروع کی تھی، جس پر 17 ہزار درخواستیں موصول ہوئی تھی، اس کے بعد لکی قرعہ اندازی کی گئی تھی، جو 1 ہزاز صارفین کے لئے تھی۔ پھر ان 17 ہزار میں سے 1000 کسمٹر کی بکنگ کی گئی تھی۔ اس کے بعد 14 جنوری کو عام کسٹمر کے لئے بکنگ کھولی گئی۔ ان کا کہنا تھا کہ انہیں توقعات سے زیادہ رسپانس ملا اور انکے ڈیلر شپ کا کوٹا گھنٹوں میں مکمل ہو گیا تھا۔ ان کا کہنا تھا اس طرح انکی پروڈیکشن کا جون تک کا کوٹا مکمل کر دیا گیا ہے، جس کی وجہ سے انہیں مجبوراً بکنگ بند کرنی پڑی۔

 

ان کا مزید کہنا تھا کہ انکی کمپنی کا اصل مقصد ہے کہ گاڑی حقیقی کسمٹر کو ملے نا کہ ڈیلر یا بروکر کو، اور جو حقیقی کسٹمر ہے، وہ 4 ماہ سے زیادہ انتظار نہیں کرتا، اس لئے بھی کمپنی نے مزید بکنگ بند کر دی تھی۔

 

ایک سوال کے جواب میں وضاحت دیتے ہوئے، بتایا گیا کہ کمپنی نے انوسٹر صارفین سے بچنے کے لئے مختلف طریقہ کار اپنائے، جس میں گاڑی کی بکنگ میں زیادہ ایڈوانس لینا شامل ہے، جو کہ ایک انوسٹر کے لئے مشکل کام ہے، جبکہ اس کے ساتھ ساتھ یہ بھی کیا گیا کہ ایک شناختی کارڈ پر صرف ایک ہی گاڑی بُک کی جائے۔

 

اون منی کے مسئلہ پر بات کرتے ہوئے کہا گیا کہ اون منی کا مسئلہ مارکیٹ کی بنا پر ہے، لوگ اس کو غلط طریقے سے استعمال کرتے ہے اور اس کو صرف ایک کمپنی حل نہیں کر سکتی، اس کو سرکاری سطح پر توجہ کی ضرورت ہے۔

 

ڈائریکٹر سیل اینڈ مارکیٹنگ سید شبیر الدین نے ایک سوال کے جواب میں اون منی کا ٹرینڈ خترم ہونے کی امید ظاہر کرتے ہوئے بتایا کہ پاکستان کی گاڑیوں کی مارکیٹ میں موبائل مارکیٹ کی طرح بوسٹ آنے سے یہ مسئلہ بھی حل ہوجائیگا۔