پی ٹی آئی کے کارکن اور انصاف لائرز ونگ کے چیئرمین ایڈووکیٹ شاہد نسیم گوندل جو کہ کیپٹلل ڈویلپمنٹ اتھارٹی کے چیف لیگل ایڈوائزر کے طور پر بھی خدمات انجام دے رہے تھے۔ ہفتہ کی رات ملٹری اسپتال راولپنڈی میں کورونا وائرس کے سبب اس دنیا سے چل بسے، پارٹی رہنماؤں اور ان کے اہل خانہ نے تصدیق کی۔
ان کے بھتیجے احتشام الحق کے مطابق پی ٹی آئی رہنما گذشتہ کچھ دنوں سے کوویڈ 19 سے پیدا ہونے والی پیچیدگیوں کا علاج کروا رہے تھے جس میں پھیپھڑوں کا معاملہ بھی شامل تھا۔
بھتیجے کے مطابق ان کی نماز جنازہ منڈی بہاؤالدین کے ان کے آبائی گاؤں مٹو شریف میں سہ پہر تین بجے ادا کی گئی۔
وزیر اعظم عمران خان اور پی ٹی آئی کے دیگر سینئر رہنماؤں کی طرف سے تعزیت کا اظہار کیا گیا۔
وزیر اعظم نے کہا کہ وہ گوندل کی خبر جاننے کے بعد بہت رنجیدہ ہیں وہ ہمارے انتہائی وفادار کارکنوں میں سے ایک تھے جو سیاسی مخالفین کے خلاف ہماری جدوجہد کے دوران ہمارے ساتھ کھڑے تھے۔