اصلی کرنسی چھاپنے کا ایسا انوکھا طریقہ کہ پولیس بھی سر پکڑ کر بیٹھ گئی۔

(اعتماد نیوز) تھانہ کوٹ لکھپت کی حدود میں پولیس کا چھاپہ، ملزمان (محسن,بشیر ) نے مل کر ہزاروں لوگوں کو بیوقوف بنایا۔ پیسے چھاپنے کا کاروبار جسے شروع کئے ابھی کچھ ہی ماہ گزرے تھے لیکن ان کا بھیانک چہرہ دنیا کے سامنے آگیا۔

 

 

پولیس زرائع کے مطابق معلوم ہوتا ہے کہ دو بندوں پر مشتمل ایک گروہ پکڑا گیا، جن کی رپورٹ کچھ دن پہلے ہی ایک ایسے شخص نے کی جو کچھ دن پہلے ہی ان ملزمان کے ہاتھوں بیوقوف بن چکا تھا۔

 

 

اس نے بھی ایک دن میں امیر ہونے کے خواب دیکھے، مگر اس کے خوابوں نے ایسا پلٹا کھایا کہ یہ اس کی شکایت لئے پولیس کے پاس آگیا، پولیس معاملے کی گہرائی تک پہنچی اور یوں پولیس ایک گروہ کو پکڑنے کیلئے ایک عمارت میں پہنچی وہاں سے سفید کاغذ (جو کہ نوٹوں کی شکل میں کاٹ کر ان کی گڈیاں بنائی ہوئی تھیں) , شیشے کی سلائیڈ, روئی, پایوڈین اور کاسٹک سوڈا برآمد ہوا۔

 

 

انہیں پکڑ لیا گیا جو کہ اصلی نوٹ چھاپنے کا طریقہ بتانے کی آڑ میں لوگوں کو لوٹ رہے تھے۔ تفصیلات کے مطابق پولیس نے بتایا کہ ملزمان سفید کاغذ کو شیشے کی سلائیڈ پہ رکھتے اور روئی کے زریعے اس پر پایوڈین لگاتے اور پھر اسے ایک اور کاغذ میں لپیٹ کر رکھ لیتے لیکن ساتھ ہی ویسے ہی لیپٹے ہوئے کاغذ پڑے ہوتے جن میں اصلی نوٹ پایوڈین لگا کر رکھے ہوتے اور پھر ان اصلی نوٹ والے کاغذ کو کاسٹک سوڈا میں ڈالتے جس سے پایوڈین اتر جاتی اور اصلی نوٹ نکل اتا اور لوگوں کو دیکھاتے اور پھر وہی نوٹ انہیں یہ کہہ کر دیتے کے کہیں سے بھی چیک کروا لیں یہ اصلی ہے

 

 

اور اس طرح لوگ آنکھوں کا دھوکہ کھاتے اور زیادہ پیسے کے لالچ میں آ کر ان کی ہر بات پہ یقین کر لیتے۔ وہ لوگوں سے کہتے کہ ہمارے پاس یہ قیمتی کیمیکل (پایوڈین) ختم ہوچکا ہے آپ 2 لاکھ دیں پھر آپ کی جیب میں 10 لاکھ ہونگے۔

 

 

پولیس زرائع نے مذید تفصیلات بتاتے ہوئے کہا کہ ان سے کوئی اصلی نوٹ تیار نہیں ہوسکتے یہ صرف اور صرف ایک فراڈ ہی جس کی زد میں آکر بہت سارے لوگ اپنی زندگی کی جمع پونجی کھو بیٹھے۔ ملزمان( محسن اور بشیر) کا کہنا ہے کہ یہ صرف آنکھوں کا دھوکہ ہے جس دھوکے میں آکے لوگ بیوقوف بن جاتے ہیں اس میں سچائی نہیں ہے۔

 

 

ملزم محسن کا انکشاف سامنے آیا ہے کہ انہوں نے اس لئے یہ جعلی نوٹوں کا کام شروع کیا کیونکہ ان کے ساتھ پہلے ایسا دھوکہ ہو چکا ہے اور وہ اپنا نقصان پورا کرنے کے لئے لوگوں کو بیوقوف بنا کر ان سے پیسے بٹور رہے تھے،