احتجاج کرنے والے سرکاری ملازمین پر پولیس کے آنسو گیس پھینکنے کے اگلے دو دنوں کے بعد وزیر داخلہ شیخ رشید احمد نے اتوار کے روز واقعے پر روشنی ڈالی کہا کہ “آنسو گیس کی جانچ ضروری تھی کیونکہ یہ ایک طویل عرصے سے غیر استعمال شدہ تھی”۔
“آنسو گیس ایک لمبے عرصہ سے پڑی تھی اسے چیک کرنا تھا۔” شیخ رشید کے بے ہودا جواز نے نیا تنازعہ کھڑا کر دیا۔
راولپنڈی میں ایک تقریب سے خطاب کرتے ہوئے انہوں نے کہا کہ اسلام آباد کی پولیس نے “تھوڑی سی آنسو گیس پھینکی”، انہوں نے مزید کہا کہ اس کی جانچ پڑتال کرنا ضروری تھج کیونکہ آنسو گیس کے کینسٹر ایک طویل عرصے سے غیر استعمال شدہ تھے۔
انہوں نے دعویٰ کیا، “صرف تھوڑا سا تجربہ کیا گیا تھا، زیادہ نہیں کیا۔”
