وزن کم کرنے کےلئے انڈے کو زردی کے بغیر کھانے کے ایسے نقصانات، جان کر کبھی زردی نہیں چھوڑیں گے

سردیاں آتے ہی ہماری غذا میں انڈے کا استعمال بڑھ جاتا ہے، روزانہ رات کو ایک اُبلا ہوا انڈہ کھانا ہمارا معمول بن جاتا ہے۔ بنیادی طور پر انڈہ پروٹین والی غذا ہے جو کہ ہمارے جسم کے لئے بہت ضروری ہے، ہمارے جسم کی بنیاد ہی پروٹین پر ہے۔ ہماری جلد، ناخن اور کسی بھی قسم کی ریکوری کے لئے پروٹین بہت ضروری ہے۔

 

انڈے میں وٹامن ڈی بھی موجود ہوتا ہے اور وٹامن ڈی ہمیں ہماری غذا سے اتنی مقدار میں نہیں ملتا، جتنی انسانی جسم کے لئے ضروری ہوتی ہے۔ اس لئے پاکستان میں 99٪ آبادی وٹامن ڈی کی کمی کا شکار ہے۔ بہت ہی کم غذائیں ایسی ہیں جن میں وٹامن ڈی موجود ہو، انڈے میں اس کی کچھ مقدار موجود ہوتی ہے۔

 

اس کے علاوہ انڈہ میں زنک کی اچھی خاصی مقدار موجود ہوتی ہے جو ہمارے معدافتی نظام کو مضبوظ کرتی ہے۔ جن لوگوں کو کسی بھی قسم کا انفیکشن جلدی ہو جاتا ہو یا ان کو وٹامن ڈی کی کمی ہو تو وہ اپنی غذا میں انڈہ کا استعمال کریں۔ انڈے میں جو سب سے ضروری چیز ہے وہ انڈے کی زردی ہے۔ جو لوگ جِم جاتے ہیں اور ڈائیٹ کرتے ہیں وہ انڈے کو زردی کے بغیر استعمال کرتے ہیں جب کہ انڈے کی زردی ہی انڈے کی بنیاد ہے۔ انڈے کو استعمال کرنا ہے تو زردی کے ساتھ استعمال کریں۔ اگر ہفتے میں 10 انڈے بغیر زردی کے استعمال کرتے ہیں تو 4 انڈے استعمال کر لیں مگر انڈے کو زردی کے ساتھ استعمال کریں۔

 

وزن کم کرنے کے لئے بھی انڈے کی زردی کا استعمال ترک نہیں کرنا چاہیے بلکہ دن میں ایک زردی کا استعمال لازمی کریں اس میں مختلف وٹامنز موجود ہوتے ہیں جو ہماری Skin کے لیے بہت ضروری ہیں۔ انڈے کا استعمال ناشتے میں مختلف سبزیوں کے ساتھ کریں تا کہ جسم کو پروٹین کے ساتھ فائبر بھی ملے۔ اور ہفتے میں 3 سے 4 انڈوں کا استعمال لازمی کریں۔