قدرت نے امردو میں غذائیت رکھی ہے اور امردو کھانے والے لوگ بہت کم بیمار ہوتے ہیں۔ شیخ بوعلی سینا نے امردو کے متعلق لکھا ہے کہ دل کے امراض کے لئے امردو بہت مفید ہے۔ اس کے لئے ایک کچا /پکا امردو لیں اس کو ٹکڑوں میں کاٹ لیں اور اس پر سیب کا سرکہ ایک چمچ ڈال لیں اسی طرح زیرہ، کلونجی، سونف، بہی دانہ اور سفید صندل پانچوں چیزیں ہم وزن لے کر باریک پاؤڈر بنا کر رکھ لیں، اس پاؤڈر کی تین سے چار چٹکی امرودوں پر ڈال کر دوپہر کے کھانے میں کھا لیں۔ اس کے مسلسل استعمال سے دل بند شریانیں کھل جائیں گی اور ڈیپریشن سے بھی نجات ملے گی۔
ڈیڑھ کپ پانی میں امردو کے تازہ تین پتے ایک بڑی الائچی کے بیج، ایک چمچ سونف اور 5 سے 6 عدد گلاب کی تازہ پتیاں شامل کر کے ان تمام اجزاء کو پکائیں ایک کپ پانی رہ جانے پر ان کو چھان کر دن میں کسی بھی وقت دومرتبہ پی لیں اس کے استعمال سے منہ سے آنے والی بدبو اور لٹکی ہوئی اسکن ٹائٹ ہو جائے گی۔ نیز یہ قہوہ ہارمونز کے مسائل کے حل کے لئے بھی فائدہ مند ہے۔
ڈائیریا کی صورت میں امردو کے پتوں کا پاؤڈر استعمال کریں ایک ہی دن میں واضح فرق محسوس ہو گا۔ پیٹ کی چربی کم کرنے کے لئے ایک پکا ہوا امردو اور ایک پپیتہ چھوٹے ٹکڑوں میں کاٹ لیں، اور ایک کھانے کا چمچ دھنیہ اس میں شامل کر کے دوپہر کے وقت کھائیں تو ایک مہینے میں آپ کو فرق محسوس ہوگا۔
اس طرح جن کے بال گرتے ہوں یا سفید ہو گئے ہوں تو ایک پکا ہوا امرود اور لوکی چھوٹے ٹکڑوں میں کاٹ لیں اور ان میں امردو کے 5 یا 6 پتے، 3 سے 4 پان کے پتے، کڑھی پتے کا پاؤڈر آدھا چمچ، دہی ایک بڑا چمچ اور بادام کا تیل 50 ملی لیٹر ان تمام اجزا ء کو گرینڈر میں ڈال کر پیسٹ بنا لیں اور اس پیسٹ کو ہفتے میں دو بار بالوں کی جڑوں میں لگائیں۔ بال مضبوط اور کالے ہو جائیں گے۔
