بلوچستان میں کس طرح مستقبل کے بارے میں بتایا جاتا ہے، طریقہ جان کر پوری دنیا سر جوڑ کر کر بیٹھ گئی

بلوچستان کے کچھ قبائل میں بکرے کے شانے کی ہڈی سے مستقبل کا حال معلوم کیا جاتا ہے۔ حالانکہ مستقبل میں کیا ہوگا اس کا علم کسی کو نہیں لیکن پھر بھی علم رکھنے والے لوگ اس کے متعلق الگ الگ پیش گوئیاں کرتے ہیں۔ یہ ہڈی قربانی کے جانور سے حاصل کی جاتی ہے۔

 

ان کے مطابق گوشت تو کھالیا جاتا ہے لیکن ہڈی باقی رہ جاتی ہے اور اس پر اللہ کی طرف سے لکھا گیا ہے۔ اور یہ سب کمال صرف ہڈی کا ہے گوشت کا نہیں۔ اس میں موت اور بارش کی پیش گوئیاں ہوتی ہیں۔ تمام دنیا کے حال احوال اس میں موجود ہیں۔ لیکن عام دنیا کے لئے یہ صرف ایک ہڈی ہے اس سے زیادہ کچھ نہیں۔

 

کچھ لوگ اور قصائی اس کو نکال کر توڑتے نہیں چھپا دیتے ہیں اس ہڈی کا استعمال زمانہ قدیم سے صحابہ کرام ؓ کے دور سے ہو رہا ہے۔ بلوچی زبان میں اس ہڈی کو “بڑدست” کہتے ہیں ا س سے بارش اور ہوا کے رخ کا پتہ چلتا ہے پہاڑی علاقوں میں چرواہے اس سے موسم کا حال معلوم کرکے اپنے جانوروں کو محفوظ کرتے ہیں۔

 

جدید دور کے لوگ اس ہڈی پر زیادہ یقین نہیں کرتے وہ اس کا مذاق اُڑاتے ہیں۔ مگر پیش گوئی کا یہ قدیم طریقہ ڈیرہ بگٹی کوہلو اور بارکھان میں آج بھی رائج ہے۔ لیکن علم رکھنے والوں کے لئے یہ ہڈی ایک کتاب ہے جس میں مستقبل کی ہر پیش گوئی موجود ہے۔