کس طرح آپ کے پیاروں کو کیمیکل لگا کر زندہ رکھا جا سکتا ہے، مزید جانئیے

my_admin_user4 years ago2 years ago01 mins

آپ کے پیاروں کو دنیا سے جانے کے بعد بھی کیمیکل لگا کر ہمیشہ کے لیے اصلی شکل میں محفوظ کرنے والا شخص۔۔

 

 

فروری 2019 روزنامہ پاکستان محمد جہانگیر خان جانوروں اور پرندوں سے بہت لگاؤ رکھنے والے انسان ہیں ان کا کہنا ہے کہ ان کو پرندوں سے بہت زیادہ پیار ہے اور ان کے پاس ہر طرح کے پرندے ہیں لیکن بعض دفعہ ایسا بھی ہوتا ہے کہ ان کے کچھ پرندے بیمار پڑ جاتے اور پھر بیماری کی وجہ سے ان کی روح پرواز کر جاتی ہے اور ان کے جانے کا انہیں بہت دکھ ہوتا تھا۔

 

 

محمد جہانگیر کا کہنا ہے کہ پرندوں اور جانوروں کی زندگی ختم ہونے کے بعد بھی ان کو ان کے اسی حالت میں اپنے پاس رکھنے کے لئے ان کو سٹف(محفوظ) کرنا پڑتا ہے اور پرندوں کو محفوظ کرنا ان کا خاندانی کام ہے جو سب سے پہلے ان کے دادا کرتے تھے پھر والد صاحب، تایا اور اب وہ خود کرتے ہیں۔

 

 

ان کا کہنا ہے کہ ان کے دادا کے محفوظ کئے ہوئے جانوروں میں بارہ سنگھا اور بہت سارے دوسرے جانور بھی شامل ہیں ان کا کہنا ہے کہ پرانے زمانے میں جانوروں کو محفوظ کرنے کے لئے ایسے جدید کیمیکل نہیں استعمال کیے جاتے تھے جیسے کہ اب ہم پرندوں جانوروں کو محفوظ کرنے کے لئے استعمال کرتے ہیں۔

 

 

مزید ان کا کہنا ہے کہ میرے تایا صاحب نے ایک زیبرا کا بھی محفوظ کیا تھا جو کہ پچاس سال پرانا ہے اور ابھی تک بالکل صحیح شکل میں ہمارے پاس موجود ہے۔ جہانگیر صاحب کا کہنا ہے کہ وہ جانوروں کی زندگی ختم ہونے کے بعد ان کی جلد کو اتارتے ہیں انہیں اندر سے خاص کیمیکل لگایا جاتا ہے اور پھر ان کے وزن کے حساب سے انہیں روئی یا کسی اور چیز سے بھر دیا جاتا ہے۔