خدا اور محبت کے پہلے دو سیزنز کے بعد صارفین کو بڑی شدت سے سیزن 3 کا انتظار تھا ۔ جیسے ہی اس ڈرامے کہ پہلی قسط نشر کی گئی تو صارفین نے اس پر مختلف رائے دی، کچھ کے تبصرے بہت دلچسپ تھے، کچھ لوگوں کو کرداروں کی اداکاری پسند آئی۔
فیروز خان اور اقراء عزیز کی اداکاری کو بہت پسند کیا گیا۔ فیروز خان اور اقراء عزیز کی جوڑی کو ڈرامے کے ٹائٹل سونگ سے ہی کافی پسند کیا جارہا تھا۔ اس ڈرامے کے باقی کرداروں کو بھی کافی پذیرائی ملی۔ اس کے علاوہ ڈرامے کے لئے منتخب کیا گیا صوفیوں کا شہر ملتان بھی پسند کیا گیا ہے۔ صارفین ڈرامے کی وجہ سے ملتان کی سیر کے لئے بے چین ہو رہے ہیں۔
ڈرامے کے مرکزی کردار فیروز خان کے مطابق وہ بھی صوفیوں کے اس شہر سے بہت متاثر ہیں۔ اور وہ اس ڈرامے کو لے کر صارفین کی رائے جاننے کے لئے پرجوش ہیں۔ اس ڈرامے کا ٹائٹل سونگ جو کہ راحت فتح علی خان نے گایا ہے اُس کی بھی بہت پذیرائی کی گئی ہے۔
غرضیکہ ڈرامے کے مرکزی کرداروں سے لے کر، ماحول ، جگہ اور موسیقی سب کو صارفین نے بہت سراہا ہے۔
